Засгийн газрын хуралдаанаас гарсан шийдвэрийн талаар УИХ-ын гишүүн, Сангийн сайд Б.Жавхлан мэдээлэл өгснийг бид та бүхэнд хүргэсэн. Засгийн шийдвэрт "Алт-3" хөтөлбөрийн талаар юу туссан талаар Сангийн сайдын яриаг та бүхэнд хүргэе.  

УИХ-ын гишүүн, Сангийн сайд Б.Жавхлан: 

-Алт дэлхийн зах зээлд өмнө нь байгаагүй өндөр үнэд хүрсэн.

Хөрсөн доороо валютынхаа нөөцийг хадгалж байдаг бидний хувьд энэ боломжийг алдаж болохгүй. Олон жилийн турш 2000 ам.долларын үнээр борлуулж байсан бол одоо 3400 ам.доллар болоод байна. Алтны үнэ унахгүй. Үйлдвэрлэлийг нь дэмжих үүднээс "Алт-3" хөтөлбөрийг эхлүүлж байгаа.

Алтыг Төв банкандаа шууд тушаагаад төгрөгөөр солилцдог. Төсвийн орлого талд бага нэмэртэй. Хамгийн гол нь валютын нөөц. Манай улсад таван гол лиценз байдаг. Үүнийг эргэлтэд оруулъя. Өмнө нь нөхөн сэргээлтийн ТЭЗҮ-ийн 50 хувь дээр нь барьцаа авдаг байсан. Харин одоо 100 хувь барьцаа авч оруулна. Харин татварын ямар нэг хөнгөлөлт байхгүй. Алтанд зориулж АМНАТ-д өөрчлөлт орохгүй. "Алт-3" хөтөлбөрийг эрчимжүүлэх ёстой гэж сайд нарт Ерөнхий сайд чиглэл өгсөн гэв. 

---