З.Нарантуяа: УИХ-ын гишүүн Ц.Мөнхтуяаг эргүүлэн тат аа

УИХ-ын 2024 оны сонгуулиар Ардчилсан намын жагсаалтаар сонгогдсон УИХ-ын гишүүн Ц.Мөнхтуяа нь бусдыг элдвээр доромжилж, зүй бус харилцаа гаргасан нь олон нийтийн шүүмжлэлд өртөөд байна. Намынхан нь ч түүнийг шүүмжилж байгаа аж.

УИХ-ын гишүүн асан, Хөгжлийн банкны гүйцэтгэх захирал З.Нарантуяа “Ардчилсан эмэгтэйчүүдийн холбоо /АЭХ/-ны улс төрчийн стандартыг энэ хүүхнүүд олон жилийн хүч хөдөлмөрөөрөө өндрөөс өндөрт тогтоосон юм. Захын гудамжны хүүхнээр энэ өндөр босгыг нураалгахыг хэрхэвч зөвшөөрөхгүй, сорри, эргүүлэн тат аа” хэмээн твиттерт жиргэж, АН-ын дарга Л.Гантөмөр, АН-ын ерөнхий нарийн бичгийн дарга Н.Ганибал, АЭХ-ны ерөнхийлөгч Б.Жаргалан, АЭХ-ны ерөнхийлөгч асан С.Одонтуяа нарт хаяглажээ. 

Мөн тэрээр АЭХ-ны үе үеийн ерөнхийлөгч нарын зургийг хавсаргасан байв. З.Нарантуяа нь 2011-2014 онд Ардчилсан эмэгтэйчүүдийн холбооны дэд тэргүүнээр ажиллаж байсан юм.