Ш.Сайхансамбуугийн охин С.Эрдэнэтуул, Дархан аварга Н.Батсуурийн эгч Н.Энхчимэг нар “Үндэсний эвсэл”-ээс нэр дэвшжээ

Нийслэлийн "Үндэсний Эвсэл"-ээс Нийслэлийн Иргэдийн төлөөлөгчдийн хурал /НИТХ/-д нэр дэвших 27 нэр дэвшигчээ тодруулаад байгаа билээ.

НИТХ-ын сонгуулийн Баянзүрх дүүргийн III тойрогт тус эвслээс УИХ-ын гишүүн асан Ш.Сайхансамбуугийн охин С.Эрдэнэтуул нэр дэвшжээ. Тэрээр өмнө нь 2016-2020 онд НИТХ-ын төлөөлөгчөөр сонгогдон, Үндэсний цэцэрлэгт хүрээлэнгийн гүйцэтгэх захирлаар ажиллаж байжээ. С.Эрдэнэтуултай хамт “Үндэсний эвсэл”-ээс А.Түмэннасан, Х.Өлзийхорол нарын эмэгтэйчүүд нэрээ дэвшүүлсэн байна.

Мөн НИТХ-ын сонгуулийн Баянгол дүүргийн I тойрогт Монгол Улсын начин Г.Намсрайжавын охин, Дархан аварга Н.Батсуурийн эгч Н.Энхчимэг нэр дэвшин өрсөлдөхөөр болжээ. Тэрээр УИХ-ын 2024 оны сонгуульд тус эвслээс Баянгол дүүрэгт өрсөлдөж байв.