Худалдаа хөгжил, Хаан, Ариг, Капитрон зэрэг арилжааны зарим банк нь зөвхөн өөрийн хөрөнгө оруулсан барилгын төсөл, харилцагч байгууллагын орон сууцыг борлуулахад л Ипотекийн 6 хувийн зээлийн санхүүжилт олгож, давуу байдлаа урвуулан ашиглаж байна.

Өнөөдөр арилжааны банканд 1000, 1000 залуу гэр бүл Ипотекийн зээлийн хүсэлтээ өгч, сонирхсон орон сууцаа худалдан авахаар дараалалд бүртгүүлж, 2-3 жилийн хугацааг өнгөрөөжээ.

Ипотекийн зээл хүсэгч нь улсын комисс ашиглалтад хүлээн авсан, үл хөдлөх эд хөрөнгийн гэрчилгээтэй ямар ч орон сууцыг банканд өгсөн оочир, дарааллын дагуу Ипотекийн зээлээр худалдан авах эрхтэй. Гэвч арилжааны банкууд өөрт оногдсон давуу байдлаа урвуулан ашиглаж, ипотекийн зээл хүсэгчдийн оочир дарааллын өмнүүр зөвхөн банкны хамаарал бүхий барилгын төслөөс орон сууц авах хүсэлтэй иргэдийн зээлийг олгож байгаа хууль зөрчсөн ноцтой үйлдлийг FACT CHECK нэвтрүүлэг онцолж байна. 

---