СПОРТ
ХӨГЖИМ
™ watch

Малаа хариулж яваад сураггүй алга болсон хоёр малчин нас баржээ

Нийтэлсэн
1 жилийн өмнө


Сурталчилгаа
Нийтэлсэн:   П.Оюу-Эрдэнэ
1 жилийн өмнө

Цаг агаарын нөхцөл байдлаас үүдэн Дорнод аймгийн Баян-Уул сумын харьяат малчин Г /54 настай, эрэгтэй/ болон Хэнтий аймгийн Өмнөдэлгэр сумын харьяат малчин Г /61 настай, эрэгтэй/ нар сураггүй алга болжээ.

Тодруулбал, Дорнод аймгийн Баян-Уул сумын Урт багийн харьяат малчин Г-нь гуравдугаар сарын 21-ний өдрийн 17:00 цагт явганаар малаа хариулж яваад сураггүй алга болжээ. Энэ тухай дуудлага мэдээлэл Онцгой байдлын газарт 19:42 цагт иржээ. Дуудлагын дагуу тус аймгийн Онцгой байдлын газрын Баян-Уул сум дахь Гал түймэр унтраах, аврах 53 дугаар анги, Хилийн цэргийн 0275 дугаар ангийн алба хаагчид, Баян-Уул сумын мэргэжлийн ангийнхан, орон нутгийн иргэд, ар гэрийнхэн гуравдугаар сарын 22-ны өдрийн 07:25 цагаас малчин Г /54 настай, эрэгтэй/-ийг эрэн хайх ажиллагааг зохион байгуулжээ. Улмаар тус өдрийн 16:40 цагт гэрээс нь урд зүгт 4 км-ын зайтай Урт багийн “Дарьхантын гол” гэдэг газраас тухайн малчны цогцсыг олж, ар гэрийнхэнд нь шилжүүлэн өгчээ.

Мөн Хэнтий аймгийн Өмнөдэлгэр сумын харьяат малчин Г /61 настай, эрэгтэй/ нь гуравдугаар сарын 21-ний өдрийн 17:00 цагийн орчим мотоциклтой малаа хариулж яваад сураггүй болсон тул тус сумын мэргэжлийн ангиас эрэн хайх ажиллагааг зохион байгуулж, гуравдугаар сарын 22-ны өдрийн 10:21 цагт тухайн малчны цогцсыг олжээ. 

Сурталчилгаа

Манай хуудсыг дагаарай!


Сэтгэгдэл (0)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.