Ерөнхийлөгч Х.Баттулга ҮХЦ дээр хоёр дахь удаагаа хүрэлцэн очив

Монгол улсын Ерөнхийлөгч Х.Баттулга Үндсэн хуулийн цэц /ҮХЦ/-д хоёр дахь удаагаа өнөөдөр хүрэлцэн очив. Тэрбээр энэ сарын 10-нд мөн хүрэлцэн очиж ҮХЦ-д зарим хууль болон хуулийн заалт Үндсэн хуулийн холбогдох заалтыг зөрчсөн эсэхийг хянан шалгуулах хүсэлтээ гаргаж байсан юм. 

Монгол улсын Ерөнхийлөгч Х.Баттулгыг ҮХЦ-ийн гишүүдтэй ганцаарчилсан уулзалт хийж байна гэх мэдээлэл хэвлэл мэдээллээр цацагдсан. Өнгөрсөн удаад Ерөнхий сайд асан, УИХ-ын гишүүн У.Хүрэлсүхийн огцрохдоо хэлсэн "Ерөнхийлөгч Үндсэн хууль зөрчсөн учир хуулийн дагуу хариуцлага тооцно" үгтэй холбогдуулан ҮХЦ-тэй "тулж ажиллаж" байна хэмээн таамаглаж байсан бол энэ удаад УИХ-ын гишүүн Т.Доржхандын "Өмнөх болон одоогийн ерөнхийлөгч дахин нэр дэвших эрхгүй" гэх гомдлыг ҮХЦ хүлээн авсантай холбоотойгоор ийнхүү хоёр дахь удаагаа хүрэлцэн очсон гэсэн хардлага байна.