УИХ-ын нэр бүхий 27 гишүүн У.Хүрэлсүхийн засгийн газрыг огцруулах саналыг өчигдөр өргөн барьсан. УИХ-ын Дэгийн тухай хуулийн 38 дугаар зүйлд “Ерөнхий сайд, Засгийн газар, Засгийн газрын гишүүнийг огцруулах асуудлыг хэлэлцэх журам” Дэгийн тухай хуулийн 38.1-д Ерөнхий сайд, Засгийн газар, Засгийн газрын гишүүнийг огцруулах саналыг Улсын Их Хуралд өргөн мэдүүлсэн бол саналыг Төрийн байгуулалтын байнгын хороо, Засгийн газрын гишүүнийг огцруулах саналыг холбогдох Байнгын хороо долоо хоногийн дотор хэлэлцэж санал, дүгнэлт гаргана.  

Тус хуулийн 38.2-д УИХ-ын нэгдсэн хуралдаанаар Байнгын хорооны санал, дүгнэлт гарснаас хойш долоо хоногийн дотор хуралдаж, Байнгын хорооны дүгнэлтийг сонсож илээр санал хураалт явуулж УИХ-ын гишүүдийн олонх дэмжсэн бол огцруулах тухай тогтоол батлагдсанд тооцно” гэжээ.

Өөрөөр хэлбэл энэ долоо хоногт багтаан Засгийн газрыг огцруулах саналыг холбогдох байнгын хороод хэлэлцэнэ. Ирэх 7 хоногт нэгдсэн чуулганаар хэлэлцээд эцсийн шийдвэрийг гаргах аж.

 

 

---