Хэрлэн голоос зөвшөөрөлгүй загас барьж байсан зөрчлийг илрүүлжээ
Хэнтий аймгийн Мэргэжлийн хяналтын газраас энэ амралтын өдрүүдээр Хэрлэн гол дахь загасны ичээ, загасчдын гаргасан зам дагуу шалгалтын ажлын хэсгийг ажиллуулж байна.
Шалгалтаар зөвшөөрөлгүй загас барьж байгаа иргэдийг илрүүлж, хариуцлага тооцох ажиллагааг эхлүүлжээ.
Нутгийн зарим айл өрхөөс хууль бус загасчдад загасны хөдөлгөөн, байршлын талаар мэдээлэл өгдөг, тусалдаг үйлдэл гарч байгаа тул иргэд олон нийтийг хууль бус үйлдлийг таслан зогсооход хамтран ажиллахыг Мэргэжлийн хяналтын газраас хүсч байна.
Хууль бус ан агнуур, загас барих, байгаль орчны эсрэг зөрчил, гэмт хэргийн талаар мэдээлэл авах утас 70563113.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.