Михаил Сергеевич Горбачёв 90 нас хүрлээ
ЗХУ-ын анхны бөгөөд сүүлчийн Ерөнхийлөгч Михаил Сергеевич Горбачёв өнөөдөр буюу гуравдугаар сарын 2-ны өдөр 90 нас зооглож байна.
Михаил Горбачёв 1985 онд Коммунист намын Ерөнхий нарийн бичгийн даргаар томилогдсоныхоо дараахан ЗХУ-ын Дээд Зөвлөлийг тэргүүлж, намын тэргүүлэх үүргийн тухай Үндсэн хуулийн заалтыг цуцлан, Ерөнхийлөгчийн албан тушаалыг бий болгохыг санал болгосон юм. Тэрээр ЗХУ-ын дээд албан тушаалд зургаан жил зүтгэсэн байна.
Горбачёвыг улстөрч, шинэчлэгчийн хувьд асар их амжилтад хүрсэн гэж үнэлэн, 1990 онд Нобелийн энхтайвны шагналаар шагнаж байсан билээ. Гэвч удалгүй, 1991 оны арванхоёрдугаар сарын 25-нд тэрээр Ерөнхийлөгчийн албан тушаалаас огцорч, улмаар ЗХУ задран унасан юм.
Тухайн үед дэлхийн олон улс орон "Перестройка", "Гласность" зэрэг орос үгийг үгсийн сандаа нэмсэн гэдэг. Горбачёв одоог хүртэл өөрийнх нь шийдвэрүүд зөв байсан гэдэгт итгэлтэй байдаг бөгөөд тоталитар дэглэмийг устгахад хувь нэмрээ оруулсан "Перестройка" буюу "Өөрчлөн байгуулалт"-ыг амьдралынхаа хамгийн том ололт гэж тодорхойлдог. Түүнчлэн түүний гадаад бодлогын томоохон ололтууд нь хүйтэн дайны төгсгөлийг авчирч, цөмийн зэвсгийг эрс бууруулсан гэж тэрээр "ТАСС" агентлагт дурсан ярьжээ.
Эх сурвалж: TASS
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.