Сувдан эргийн дайралтаас амьд үлдсэн ахмад дайчин таалал төгслөө
1941 оны 12 дугаар сарын долооны өдөр Японы эзэн хааны арми Сувдан эрэгт байрлаж байсан Америкийн тэнгисийн цэргийн бааз руу гэнэтийн дайралт хийж 2,400 цэрэг амиа алдсан түүхтэй.
Сувдан эргийн дайралт гэж түүхэнд бичигдсэн үйл явдлаас амьд үлдсэн хамгийн ахмад дайчин Рэй Чавез 106 насандаа таалал төгсчээ. Рэй Чавез сувдан эрэгтэй Японы эзэн хааны арми дайралт хийх үед цэргийн бэлтгэлийн даргын алба хашиж байсан юм.
Сувдан эргийн дайралтаар АНУ Дэлхийн хоёрдугаар дайнд татагдан орж байсан түүхтэй. Дайнаас хойш ахмад дайчин Рэй Чавез Калифорнийн Повэйд гэр бүлийн хамт амьдарч байжээ. Амгалан нойрсохоосоо өмнө цэрэг армийн дурсгалт үйл явдалд хүндэт зочноор оролцож улсаа тойрон аялсан байна. Рэй Чавезийг Ерөнхийлөгч Дональд Трамп Цагаан ордонд хүлээж авч уулзжээ.
Сувдан эргийн дайралт болдог өглөө ахмад дайчин Рэй “эхнэртээ босмооргүй байна, дахиад жаахан унтаж байгаад ажилдаа явья” гэж хэлэхэд эхнэр нь түүнийг заавал албандаа мордох ёстой хэмээн урам зориг өгчээ. Рэйг ажилдаа очсоны дараа эхнэр нь залгаж Японы дайралтын тухай хэлэхэд цочирдож байсан тухайгаа амьд ахуйдаа өгүүлсэн байна.
Эх сурвалж: www.cnn.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.