ВИДЕО: Пизагийн Хазгай цамхаг тэгширч эхэлжээ
Дэлхийн хамгийн аюултай ба алдартай барилгуудын нэг Италийн Пиза хотын Хазгай цамхаг тэгширч эхэлсэн байна. 2001 оноос хойш 17 жилийн хугацаанд дөрвөн см-ээр тэгширсэн болохыг мэргэжилтнүүд тогтоожээ.
Пизагийн Хазгай цамхаг өдөр бүр мянга мянган жуулчныг татдаг аялал жуулчлалын гол төв юм. Барилгыг судалж байгаа багийн ахлагч профессор Сальватор Сеттисийн хэлснээр “19 дүгээр зууны эхэнд хазайж эхэлсэн барилга дахин 200 жил энэ хэвээр хадгалагдана” гэжээ.
Барилга урагшаа зургаан хэмээр хазайж, эсрэг талынх нь хөрс хөдөлсөн байдаг. 2001 он хүртэл цамхагт хүн орохыг хориглосон байсан ч тус оны сүүлээр дахин нээгджээ.
Хамгийн анх 1173 онд цамхагийг барьж эхэлсэн ч газрын хөрс элсэрхэг зөөлөн тул хазайсан байна. Мэргэжилтнүүд аялал жуулчлалын төв болсон Пизагийн Хазгай цамхагийг тогтмол хянадаг ба ажиглалтын хороо гурван сар тутамд хуралддаг аж.
Эх сурвалж: www.cnn.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.