АНУ-ын Төрийн нарийн бичгийн дарга Майк Помпео энэ баасан гарагт Умард Солонгосын өндөр дээд албан тушаалтан Ким Ён Чолтой уулзах ёстой байсан ч хойшилсон талаар Төрийн департаментаас мэдэгдэв.

Уулзалтыг хойшлуулах ямар нэг онцын шалтгаан байгаагүй. Харин дахин товлоно гэдгийг нэмж мэдэгджээ.

Нэгдсэн улсын Төрийн департаментын хэвлэлийн төлөөлөгч Хийтер Науэрт уулзалт хойшлох болсон шалтаг шалтгаанд тайлбар өгөөгүй.

Гэхдээ олон улсын ажиглагчид Умард Солонгос улс Вашингтоны хүлээлтэд нийцэхүйц идэвх, санаачилга гаргахыг хүсэхгүй байгаагийн илрэл байж болох юм гэжээ.

Вашингтон Умардыг нээлттэй харьцахыг хүсч, цөмийн зэвсгийн хөтөлбөрөө зогсоохыг шаардаж байгаа ч эдийн засгийн хоригийг сулруулах зэргээр хариу үйлдэл хийгээгүй гэж шинжээчид ярьж байна.

Хагас зууны турш дайсагнасан талууд энэ оны эхнээс харилцаа холбоогоо сайжруулах хэд хэдэн чухал алхмуудыг хэрэгжүүлсэн ч ганзага нийлэх тийм ч амар биш бололтой.

 

 

Эх сурвалж: www.cnn.com

---