Нийслэлийн бүх ЕБС-уудийн дунд “Мөрөөдлөө асаа” тэмцээн болно

Нийслэлийн өсвөр насны хүүхэд залуучуудыг спортод дур сонирхолтой болгох, спортоор хичээллэх боломжийг нэмэгдүүлэхэд дэмжлэг үзүүлэх зорилгоор нийслэлийн Засаг дарга бөгөөд Улаанбаатар хотын Захирагч С.Амарсайхан, “Мөнхийн мөрөөдлөө асаа” TББ-ын тэргүүн Э.Амарсайхантай  өчигдөр хамтран ажиллах санамж бичигт гарын үсэг зуржээ.

Санамж бичгийн хүрээнд:

1. Өсвөр насны хүүхдүүдэд багийн спортыг сурталчилах, нийтийн биеийн тамирыг хөхүүлэн дэмжихэд хамтран ажиллах,
2. Хөлбөмбөгийн спортод хэрэглэгдэх талбайн бүтээн байгуулалт төр хувийн хэвшил хамтран ажиллах,
3. Өсвөр намны хүүхдүүдийн дундах “Мөрөөдлөө асаа” хөлбөмбөмгийн тэмцээнийг хамтран зохион байгуулах,
4. “Мөрөөдлөө асаа” тэмцээнийг нийслэлийн ерөнхий боловсролын бүх сургуулиудын дунд уламжлал болгон зохион байгуулж, тэмцээнийг өргөжүүлэх зэрэг ажлуудыг хийхээр болжээ.