Монгол Улсын Засгийн газраас хоёрдугаар сарын 1-нээс эхлэн нийгмийн халамжийн тэтгэврийн хэмжээг 174000 төгрөг, сар бүр олгодог асаргааны тэтгэмжийн хэмжээг 76000 төгрөг болгож тус тус нэмэгдүүлсэн.

Тэгвэл нийгмийн халамжийн тэтгэвэр, асаргааны дараах тэтгэмжийг олгож эхэлсэн байна. 

• Ахмад настны нийгмийн халамжийн тэтгэвэр
• Хөгжлийн бэрхшээлтэй иргэний нийгмийн халамжийн тэтгэвэр
• Тэжээгч нь нас барсан гэр бүлийн 18 хүртэл насны хүүхдэд олгох тэтгэвэр
• Өрх толгойлсон эцэг, эхийн тэтгэвэр
• Одой иргэний тэтгэвэр
• Эмнэлгийн хяналтанд байдаг байнгын асаргаа шаардлагатай ахмад настан, хөгжлийн бэрхшээлтэй иргэн болон хөгжлийн бэрхшээлтэй хүүхдийг асарч байгаа иргэнд олгох тэтгэмж
• Бүтэн өнчин хүүхдийг үрчлэн авсан болон асран хамгаалж, харгалзан дэмжиж байгаа иргэний тэтгэмж
• Бүтэн өнчин хүүхдийг гэр бүлдээ авч асрамжилж байгаа иргэнд олгох тэтгэмж
• Ганц бие ахмад настан болон ганц бие хөгжлийн бэрхшээлтэй иргэнийг гэр бүлдээ авч асрамжилж байгаа иргэний тэтгэмж
• Байнгын асаргаа шаардлагатай 16 хүртэл насны хөгжлийн бэрхшээлтэй хүүхдэд олгох тэтгэмж
   

Ахмад настан, хөгжлийн бэрхшээлтэй иргэний тусламж, хөнгөлөлт, Алдар цолтой ахмад настанд олгох нэмэгдэл, тусламж хөнгөлөлтүүд, жирэмсэн эхийн тэтгэмж, 0-3 насны хүүхэд асарсны тэтгэмж зэрэг нийгмийн халамжийн бусад үйлчилгээг холбогдох хууль, журмын дагуу хоёрдугаар сарын 20-ны өдрөөс хойш олгогдох гэнэ. 

 Төрийн банкаар нийгмийн халамжийн үйлчилгээ авдаг иргэдийн хувьд тэтгэвэр, тэтгэмжийн дэвтэр, иргэний үнэмлэхээрТөрийн банкны дурын салбараас халамжийн мөнгөө авч болно.

---