Хил хамгаалах байгууллагад хүний амь үрэгдсэн, эрүүл мэндээрээ хохирсон осол зөрчил удаа дараа гарсаар буй. Өнгөрөгч долоо хоногт л гэхэд Сүхбаатар боллн Завхан аймагт цэрэг тээвэрлэж явсан ачаатай автомашин осолдсон талаар бид мэдээлсэн.  

Энэ талаар Хууль зүй, дотоод хэргийн сайд Х.Нямбаатар "Зүүн тийш явж байсан цэрэг тээвэрлэлттэй холбоотой асуудал Сүхбаатар аймагт болсон. Хилийн цэргийн алба хаагчид осолдсон. Мөн Завхан аймагт зэвсэгт хүчний цэргийн алба хаагчдыг тээвэрлэж явсан асуудал бий.

Цаашид задгай, ачааны автомашин дээр цэрэг тээвэрлэж явдгийг зогсоох тушаал гаргасан. Ирэх жил шинэ хөрөнгө оруулалт байхгүй ч төр, хувийн хэвшлийн түншлэлийн хүрээнд цэрэг тээврийг зориулалтын, шинэ автобусаар цэрэгт татах болон халах ажлыг зохион байгуулна. Төр, хувийн хэвшлийн түншлэлийн хууль арваннэгдүгээр сард батлагдах байх" гэлээ.

---