Африк тивд цар тахлын халдвар огцом нэмэгдэж байна
Африк тивд коронавирусийн цар тахлын гурав дахь давлагаа дэгдэн, халдварын тохиолдол болон нас баралт хурдацтай нэмэгдэж байна.
Тус тив даяар өнгөрсөн долоо хоногт нас барсан хүний тоо өмнөх долоо хоногоос 40 гаруй хувиар өссөн аж. Түүнчлэн сүүлийн долоо хоногт Намиби, Өмнөд Африк, Тунис, Уганда, Замби зэрэг улсуудад цар тахлын нас баралтын хамгийн өндөр үзүүлэлт бүртгэгджээ.
Африкийн 10 орчим оронд эмнэлэгт хэвтэн эмчлүүлэх өвчтөнүүдийн тоо эрс нэмэгдэж байгаа бөгөөд дор хаяж зургаан улсад эрчимт эмчилгээний тасгийн орны хомсдол нүүрлээд байгаа юм. Халдварын тархалттай харьцуулахад тус тивийн нийт хүн амын хоёр хүрэхгүй хувь нь вакцинжуулалтад бүрэн хамрагдаад байна.
Одоогийн байдлаар Африк дахь цар тахлын гурав дахь давлагаа нь нийт 23 улсад дэгдээд байгаа билээ. ДЭМБ-аас энэхүү нөхцөл байдлыг коронавирусийн "Дельта" хувилбартай холбон тайлбарлаж байгаа юм. Илүү хурдацтай тархдаг энэхүү хувилбар нь тус тивийн 17 оронд бүртгэгдсэн билээ.
Эх сурвалж: BBC
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.