Америкийн иргэд Канад руу цагаачлах хүсэлт гаргах нь нэмэгджээ
Канад улсын Иргэншил, цагаачлалын асуудал хариуцсан газрын мэдээллээр өнгөрөгч 2017 онд АНУ-ын 2,550 иргэн цагаачлах хүсэлт гаргажээ. Энэ нь 2016 онд 400 иргэн хүсэлт гаргаж байсантай харьцуулахад тав дахин их байна.
Нэгдсэн улсын Ерөнхийлөгч Дональд Трамп цагаачлалын асуудлаар хатуу чанга бодлого баримталж байгаагийн үр дүн гэж Канадын эрх баригчид харж байна.
Зөвхөн АНУ-ын иргэд ч биш Нигери, Гайти зэрэг бусад улс орнуудаас иргэд цагаачлах хүсэлт тавих нь эрс нэмэгджээ.
Нэгдсэн улсаас Канад руу цагаачлах хүсэлт тавьсан иргэдийн 80-85 хувь нь Гайтигаас гаралтай хүмүүс байгаа юм.
Канадын эрх баригчид "цагаачлах хүсэлт хүлээж авч байгаа ч энэ нь тогтмол оршин суух зөвшөөрөл олгоно гэсэн үг биш" гэжээ.
Эх сурвалж: www.cnn.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.