Япон улсад 2016-17 оны хооронд ахлах сургуулийн насны 250 хүүхэд амиа егүүтгэжээ. Энэ нь 1986 оноос хойш 30 гаруй жилийн хугацаанд хамгийн их үзүүлэлт юм.

Хүүхдүүд гэр бүлийн байдал, ирээдүйдээ санаа зовох, бусдад дээрэлхүүлж дарамтлуулснаасаа болж ийм үзэгдэл их тохиолдож байгааг эх сурвалж дурдлаа.

Эдгээр 250 хүүхдийн 140 нь чухам ямар шалтгаанаас болж амиа егүүтгэсэн нь тодорхойгүй. Ямар нэг гэрээс, захидал үлдээгээгүй байжээ.

1972-2013 оны хооронд хийсэн судалгаагаар сургуулийн насны хүүхдүүд хичээлийн хоёрдугаар улиралд буюу есдүгээр сарын нэгэн эхлэхэд амиа егүүтгэх тохиолдол их гарсан байна.

2015 онд Япон насанд хүрэгчдийн амиа хорлолтын тоогоор дэлхийд тэргүүлж байсан ч Засгийн газрын тусгай бодлого хэрэгжүүлж эхэлснээс хойш огцом буурсан гэдгийг Дэлхийн эрүүл мэндийн байгууллага мэдэгджээ. 

 

 

2017 он гэхэд тус улсад амиа егүүтгэсэн хүний тоо 21,000-аар буурсан байв.

Гэвч “Сургуулийн насны хүүхдүүд дунд энэ үзэгдэл нэмэгдсээр байгаа тул нэн даруй зогсоох арга хэмжээ авах хэрэгтэй” гэж Япон улсын Боловсролын яамны ажилтан Нориаки Китазаки ярьжээ.

Эх сурвалж: www.bbc.com

---