Санал өгөх хүмүүст Үбэр үнэгүй үйлчилнэ
Яг сарын дараа АНУ-д дундын сонгууль болно. Сонгуулийн өмнө америкчууд замаа засч, иргэдийн идэвх оролцоог нэмэгдүүлэх бүхий л арга хэмжээг авч хэрэгжүүлж байна. Хэрэв та сонгуулийн санал хураалтад оролцохоор явж байгаа бол Үбэр такси үнэгүй үйлчилнэ гэлээ.
Үбэр такси компани “Бид бүгд санал өгөх үед” нэртэй ашгийн бус байгууллагатай хамтран 11 дүгээр сарын зургааны өдөр санал өгөх иргэдэд туслахаар болжээ. Саналаа өгөхөөр бүртгүүлсэн иргэдийг үнэгүй хүргэж өгөхөд зориулсан шинэ бүртгэлийн системийг хийсэн байна. Бүртгэлийн мэдээлэл цахим зурвасаар жолоочид ирснээр Үбэр ажлаа хийнэ.
Сонгууль хүртэл үлдсэн сарын хугацаанд Америкийн Үбэр сүлжээнд бүртгэлтэй 900,000 жолоочид туслах 125 төвөөр дамжуулан санал өгөх иргэдийг хэрхэн хүргэж өгөх талаар заавар зөвлөгөө өгнө гэжээ. Дундын сонгуулийн өдөр АНУ-д санал өгөх эрхтэй иргэн бүр санал хураах байруудыг тодорхойлуулж, Үбэр апп ашиглан хүргэлтээ захиална.
Үбэр компани иргэдийн санал өгөх идэвхийг дэмжиж байгаа цорын ганц компани биш. Тухайлбал Фэйсбүүк компани Турбовөүт, Снапчаттай хамтран санал өгөх хэрэглэгчдээ бүртгэхээр болжээ.
Эх сурвалж: www.qz.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.