TREND LIVE: Ж.Батбаясгалан: Энд бөглөөс болж байхаар зайлаарай....

Нийслэлийн удирдах ажилтнуудын шуурхай зөвлөгөөн өглөө 08 цагаас эхлэх ёстой байсан бөгөөд энэ үеэр Өвөлжилтийн бэлтгэл ажлын талаар хэлэлцэх байлаа.. Гэвч нийслэл, дүүрэг, газрын албаны дарга нар шуурхай зөвлөгөөнд ирж суугаагүй тул Хотын Захирагчийн үүрэг гүйцэтгэгч Ж.Батбаясгалан нэлээн бухимдаж “Сонгуульдаж яваад шуурхай зөвлөгөөнд суугаагүй төлөөлөгчдөд  хариуцлага тооц. Төр түшмэлээр дутахгүй" хэмээн хэлсэн нь өнөөдрийн трэнд лайвын нэг боллоо. 

 Тэрбээр "Өнөөдөр хуралдаа суугаагүй хүмүүст хариуцлага тооцно. Хуралдаа суудаггүй дарга нараас болж энэ салбарын нэр хүнд унах учиргүй. Энэ салбарын нэр хүндийг унагааж буй дарга нараас сал, хуулийн дагуу хариуцлага тооцно. Явуулах ёстой хүмүүсийг явуул. Цалинг нь хасах ёстой хүмүүсийн цалинг хас. Сануулга өгөх ёстой хүмүүстэй сануул. Төрийн албаны тухай хуулийн дагуу өмнө нь сануулгатай байгаа, түр орлон гүйцэтгэж байгаа хүмүүст асуудал үүснэ шүү. Энэ ажлыг унагаа гэж таныг төрд орлон гүйцэтгүүлээгүй. Өнөөдөр хуралдаа ирээгүй хүмүүс хууль зөрчин сонгуульд явж байна. Би тэгсэн гэж ойлгож байгаа. Өнөөдөр нийслэлийн ИТХ, дүүргийн ИТХ-ын сонгуульд хууль ёсны дэмжлэг үзүүлэх ёстой болохоос сонгуулийн үеэр ажлаа хаяад алга бол гэсэн хуулийн нэг ч заалт байхгүй шүү. Энэ хүмүүст хариуцлага тооц. Хуулийн дагуу ямар хариуцлага тооцсоноо 10:00 цагт надад танилцуул. Үүнийг Улаанбаатар хотын Ерөнхий менежер Т.Гантөмөрт үүрэг болголоо” гэв.

Шуурхай зөвлөгөөнд ирээгүй дараах дарга нарт хариуцлага тооцохыг үүрэгдсэн юм.

1. Авто замын газрын дарга 
2. Аялал жуулчлалын газрын дарга
3. Боловсролын газрын дарга
4. Орон сууцны дэд бүтцийн газрын дарга
5. Дотоод Аудитын газрын дарга
6. Мэргэжлийн хяналтын газрын дарга
7. Нийгмийн халамжийн газрын дарга
8. Өмчийн ашиглалт удирдлагын газрын дарга
9. Статистикийн газрын дарга
10. Соёл урлагийн газрын дарга
11. Татварын газрын дарга
12. Нийтийн тээврийн газрын дарга
13. Худалдан авах ажиллагааны газрын дарга
14. Замын хөдөлгөөний төлөвлөлт, инженерчлэлийн газрын дарга
15. Тээврийн цагдаагийн алба
16. Геодиз, усны барилга байгууламжийн газар
17. Зорчиг тээврийн нэгтгэл
18. Зорчигч тээвэр-3
19. Хот төлөвлөлт, судалгааны газрын дарга
20. Нийслэлийн орон сууцны корпораци
21. Орон сууц, нийтийн аж ахуйн газрын дарга
22. Улаанбаатар хотын Шуурхай удирдлагын төвийн дарга
23. Үндэсний цэцэрлэгт хүрээлэнгийн захирал
24. Хот тохижилтын газрын дарга
25. Хөрөнгө оруулалтын газрын дарга
26. Эмээлтийн хөнгөн үйлдвэрийн, үйлдвэрлэл технологийн паркийн дарга
27. Багануурын хөнгөн үйлдвэрийн, үйлдвэрлэл технологийн паркийн дарга
28. Хөрөнгө оруулалт, менежментийн газрын дарга
29. Нийтийн тээврийн хөрөнгө оруулалт, хөтөлбөрийн дарга
30. Олон улсын худалдаа логистикийн төвийн
31. Хөгжлийн корпорацийн дарга
32. Гэр хорооллыг хөгжүүлэх, хөрөнгө оруулалтын хөтөлбөрийг дэмжих хөтөлбөрийн дарга
33. Улаанбаатар Дулааны шугам сүлжээний дарга зэрэг удирдах албан тушаалтнууд ирээгүй байна.