Азийн наадмын дэд аварга Т.Ариунзаяа өнөөдөр хүч үзнэ
Жүдо бөхийн насанд хүрэгчдийн дэлхийн аварга шалгаруулах тэмцээний гурав дахь өдөр эрэгтэйчүүдийн -73кг, эмэгтэйчүүдийн -57кг жингийн барилдаанууд явагдана.
Эхний хоёр өдрийн дараах байдлаар Япон улсын баг тамирчид гурван алт, хоёр хүрэл медаль хүртсэн амжилтаар ДАШТ-д оролцож буй 93 орныг медалийн чанараар хол тасархай тэргүүлж байна.
Энэ өдөр (10 сарын 6) монгол улсаа төлөөлөн Азийн наадмын мөнгөн медальт Т.Ариунзаяа нарын гурван бөх АНЭУ-ын нэр дээрээс О.Оюунчимэг нар хүч үзнэ.
Эрэгтэйчүүдийн -73кг жинд:
Өнгөрсөн оны Улаанбаатарын их дуулга тэмцээнд урамтай сайхан барилдаж түрүүлсэн О.Уранбаяр мастер эхний тойрогт Испанийн залуу мастер Антон Шухалиевтэй хүч үзэх оноолттой байна. О.Уранбаяр хэрэв өрсөлдөгчөө ялбал D хэсгийн тэргүүн бөх АНЭУ-ын М.Махмадбековтой барилдана. Хоёр бөхийн хувьд өнгөрсөн оны ДАШТ-ий шөвгийн 8-д учраа таарч байсныг жүдо бөх сонирхогчид маань санаж байгаа биз ээ.
Эмэгтэйчүүдийн -57кг жинд:
Азийн наадмын мөнгөн медальт Т.Ариунзаяа В хэсэгт Финландын П.Салонентэй хүч үзэх ба хоёр бөхийн хувьд энэ оны Улаанбаатарын их дуулгын шөвгийн 8-д учраа таарахад Т.Аринзаяа давж байлаа. Хэрэв Т.Ариунзаяа эхний өрсөлдөгчөө давбал тус хэсгийн тэргүүн бөх Израилын Нелсон Леви Тимнатай хүч үзэх оноолттой байна.
С хэсэгт АНЭУ-ын нэр дээрээс барилдаж буй О.Оюунчимэг эхний тойрогт Кубын залуу бөхтэй оноолт таарсан байна.
Харин D хэсэгт залуучуудын олимпын мөнгө, залуучуудын дэлхийн аварга Л.Сосорбарам эхний тойрогт Бразилын Лима Жессикатай барилдах оноолттой байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.