Нийслэлийн Сонгуулийн ерөнхий хорооноос АН-аас нэр дэвшигч Д.Мөнх-Эрдэнийг НИТХ-д нэр дэвших эрхгүй гэж үзжээ. Иймд Нийслэлийн Ардчилсан намаас Нийслэлийн сонгуулийн хорооны дарга П.Хадбаатартай уулзаж, тус асуудлаар тайлбар мэдээлэл авахыг хүсэв. 

Нийслэлийн Ардчилсан намын дарга Т.Батцогт:

-Нийслэлийн сонгуулийн хорооны даргаар нийслэлийн ЗДТГ-ын даргаар ажиллаж байсан П.Хадбаатар ажиллаж байгаа. Энэ хүн ажлаа хийхгүй байна. Хотын дарга Х.Нямбаатарын оюутны нэг ангийн найзууд гэж сонссон. Энэ хүн хотын даргыг дагаад улс төрийн алба хашдаг. Ашиг сонирхлын зөрчилтэй хүн байна. Өнөөдөр нийслэлийн Сонгуулийн хорооноос Ардчилсан намаас нэр дэвшиж буй Д.Мөнх-Эрдэнэ, Ц.Эрдэмбилэг хоёрыг бүртгэхээс татгалзсан байна. Бид П.Хадбаатар гэдэг хүнтэй уулзахыг хүсэж байна. Бидний хүсэлтийг хүлээн авч бидэнтэй уулзана гэж найдаж байна гэв. 

---