Дөрөвдүгээр сарын нэгнээс төрийн албан хаагчдын цалинг 10-20 хувиар нэмнэ

225 мянган төрийн албан хаагчдын цалин 2024 оны дөрөвдүгээр сарын 1-ээс нэмэгдэнэ. Мөн тэтгэвэр, тэтгэмж 100 мянган төгрөгөөр нэмэгдэнэ.

Тодруулбал, 

Төрийн албан хаагчдын цалингийн нэмэгдэл:

• Төрийн бүх албан хаагчдын цалинг 10%-иар,
• Нийтлэг үйлчилгээний ажиллагсдыг 20%-иар нэмэгдүүлэх,

Үүнд нийт 225.2 мянган хүн хамрагдана.

Орон нутгийн нэмэгдэл:

• Суманд ажиллаж байгаа төрийн захиргааны болон үйлчилгээний бүх албан хаагчдад сар бүр үндсэн цалингийн 40%-иар,
• Аймгийн төв болон нийслэлийн алслагдсан гурван дүүрэгт ажиллаж байгаа төрийн албан хаагчдад 20%-иар тус тус тооцож орон нутгийн нэмэгдэл олгоно.

Орон нутагт болон нийслэлийн алслагдсан гурван дүүрэгт тогтвор суурьшилтай ажиллаж байгаа ТЗ, ТМҮ-ний албан хаагчид 5 жил тутамд нэг удаа 6 сарын цалинтай тэнцэх хэмжээний тэтгэмж авна.

Тэтгэвэр, тэтгэмж 100.000 төгрөгөөр нэмэгдэнэ.