СПОРТ
ХӨГЖИМ
™ watch

Танд байвал зохих хадгаламжийн төрлүүд

Нийтэлсэн
2 жилийн өмнө


Сурталчилгаа
Нийтэлсэн:   Admin
2 жилийн өмнө

Санхүүгээ зөв зохицуулах нь бидний амьдралыг илүү хялбар болгодог. Санхүүгийн гэнэтийн асуудлыг ажралгүй даван туулахын тулд эртнээс өөрийн төсвийг зөв зарцуулж, хэмнэж, хуримтлуулж байх нь таныг мөнгөтэй холбоотой эрсдэлээс хамгаална. Санхүүгээ удирдах шилдэг аргуудын нэг бол хуримтлал гэдгийг мэргэжилтнүүд эртнээс зөвлөсөөр ирсэн. Тиймээс хуримтлалыг зуршил болгож чадсан хүмүүсийн дүгнэлтэд үндэслэн танд байвал зохих хадгаламжийн төрлүүдийг танилцуулж байна.

Яаралтай нөхцөлд хэрэглэх хадгаламж

Бидний амьдралд эрүүл мэнд, байгалийн гамшиг, мөнгө санхүүтэй холбоотой урьдчилан тооцоолох боломжгүй, гэнэтийн асуудлууд ихээр гардаг. Тэдгээр асуудлыг шийдвэрлэхэд өр, зээл тавилгүй, хадгаламжаа ашиглан санхүүгийн хувьд эрсдэлгүй даван туулах боломжтой. Та яаралтай нөхцөлд хэрэглэх мөнгөө хадгаламжид хийж, тусад нь хадгалаарай. Энэ тохиолдолд гэнэтийн нөхцөлд орлого, зарлага чөлөөтэй хийж болох хугацаагүй хадгаламж нээлгэхийг бид санал болгож байна.

Зорилгодоо зориулсан хадгаламж

Орон сууц, автомашин худалдан авах, сургуульд суралцах гэх мэт хийхийг төлөвлөсөн зүйл их ч тэдгээрийг биелүүлэхэд санхүүгийн асуудал хамгийн их нөлөөлдөг. Харин урт болон богино хугацааны зорилгыг биелүүлэхэд хадгаламж танд тусална. Ирээдүйн төлөвлөгөөндөө  зориулан зарлага хийгдэхгүй, зөвхөн орлого авах нөхцөлтэй, хугацаатай хадгаламж нээлгэхийг танд зөвлөж байна.

Тогтмол орлогогүй үед ашиглах хадгаламж

Ажлын байртай, сар бүр авах цалинтай үед санхүүгээ удирдаж, зохицуулалт хийх бүрэн боломжтой байдаг. Харин ажлаас гарах, тэтгэвэрт гарах гэх мэт тогтмол орлогогүй болсон үед санхүүгийн хямралд орох магадлалтай юм. Тиймээс энэ эрсдэлээс урьдчилан сэргийлэх зорилгоор тогтмол орлого тасарсан үед ашиглах хадгаламжийг эртнээс нээлгэж, хуримтлал үүсгээрэй. Харин энэ тохиолдолд урт хугацаатай хадгаламж хамгийн тохиромжтой юм.

Хуримтлал үүсгэх нь санхүүгийн дархлааг бий болгож, аливаа эрсдэлээс хамгаалдаг. Тиймээс та ч бас хадгаламж нээлгэн хуримтлалыг зуршил болгоорой. Мөн Голомт банкнаас гаргадаг бүх төрлийн хадгаламжийн бүтээгдэхүүний талаар дэлгэрэнгүй мэдээлэл авахыг хүсвэл ЭНД дарна уу.

 

 

Сурталчилгаа

Манай хуудсыг дагаарай!


Сэтгэгдэл (0)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.