Дэлхий дээр амьдарч байгаа долоон тэрбум гаруй хүн бүрт тархи бий. Хэрэв бид бүгд хэт их стресс бухимдалтай амьдарвал 50 нас хүрэхээсээ өмнө ой санамжаа алдаж, тархи хатингаршдаг байна.

Эрдэмтэд стрессийн гормон тархины бүтэц, үйл ажиллагаанд хэрхэн нөлөөлдгийг танин мэдэхүйн тестээр шалгажээ.

Ингэхэд залуу хүмүүст шинж тэмдэг илрэхээс өмнө тархи хатингаршиж, ой санамжаа алдчихсан байсан байна.

Кортизол бол стрессийн үед хүний биед ялгардаг гормон. Бид өндөрт нисэх болон хэн нэгэнтэй гар зөрүүлэхэд гол үүргээ гүйцэтгэдэг.

Хэт их стрессдэхэд ялгарсан кортизол бие махбодын үйл ажиллагааг хэсэг хэсгээр зогсоож байдаг.

Саад бэрхшээлийг даван гарсны дараа кортизолын түвшин буурч бие организм хэвийн ажиллаж эхэлдэг.

Тархи бол хүний биеийн хамгийн эмзэг бөгөөд чухал эрхтэн. Тиймээс тогтмол хэвийн ажиллах шаардлагатай.

Мэргэжилтнүүдийн ярьдгаар хүний тархи хамгийн өлсгөлөн эрхтэн гэнэ. Үргэлж шим тэжээл, хүчилтөрөгчийг нэхэж байдаг.

Эмч нар эрүүл 2,000 хүний тархины MRI зургийг судалжээ. Ингэхэд стресстэж кортизолын хэмжээ ихэссэн үед танин мэдэхүйн үйл ажиллагаа удааширч, ихэнх дурсамжаа мартсан байжээ.

Хамгийн гол нь стрессийн гормон тархины бүтцэд нөлөөлж байгаад эмч нар цочирдсон байна. Кортизол их хэмжээтэй ялгарснаар тархийг хэсэгчлэн гэмтээж, мэдээлэл устгаж байжээ.

Эмч мэргэжилтнүүд хүмүүсийг аль болох өөртөө цаг гаргаж, бясалгал хийн, тайван байх нь тархины үйл ажиллагаанд тустай хэмээн зөвлөж байна.

Эх сурвалж: www.cnn.com

---