Барилга хот байгуулалтын сайд Б.Мөнхбаатар Орхон аймагт ажиллаж байна. Түүнтэй хамт Барилгын хөгжлийн төвийн захирал Ц.Амарсанаа нарын холбогдох хүмүүс явж байна.

Ажлын хэсгийнхэн Орхон аймгийн ерөнхий төлөвлөгөөтэй танилцаж байна.  Эрдэнэт хотын ерөнхий төлөвлөгөөг шинэчлэн боловсруулах хөрөнгийн эх үүсвэр 720 сая төгрөгийг шийдвэрлэж, төлөвлөлтөд зөвхөн барилга бариад өнгөрөхгүй байхыг анхааруулав.

-Барилга, хот байгуулалтын сайд Б.Мөнхбаатар Орхон аймгийн ерөнхий төлөвлөгөөтэй танилцлаа.

Ерөнхий төлөвлөгөө гэдэг бол барилга барих бус ажлын байрыг нэмэгдүүлсэн бүтээн байгуулалт хийх хэрэгтэй талаар Барилга, хот байгуулалтын сайд дурдлаа. Ерөнхий төлөвлөгөөгөө хийхдээ барилга угсралт, зургийн даалгавар дээр төр маш сайн анхаарах хэрэгтэй. Тэгэхгүй бол амьдралаас тасарсан зургийн даалгавар хийдэг.

Энэ жилийн тухайд, нийт 9800 иргэнд ипотекийн зээл олгоод байна. Эрдэнэт хотод энэ оны эхний 9 сарын байдлаар 668 иргэн 35.8 тэрбум төгрөгийн ипотекийн зээлд хамрагджээ.

Тэгэхээр энд орон сууц худалдан авах, ипотекийн зээлд хамрагдах сонирхол их байгааг харж болно. Орон нутагт ипотекийн зээлийг түлхүү олгож байна. Ерөнхий төлөвлөгөөгөө зөв зүйтэй хийснээр цаашид хөгжих боломжийг нэмэгдүүлнэ. Уг ерөнхий төлөвлөгөөг хэрэгжүүлснээр ирэх 20 жилийн Орхон аймгийн ерөнхий хөгжлийг дэмжинэ гэж Орхон аймгийн Засаг дарга С.Батжаргал дурдлаа.

---