УИХ-ын намрын ээлжит чуулган нэгдүгээр сарын 17-нд хаалтаа хийсэн билээ.

Гэхдээ УИХ-ын ээлжит бус чуулганыг энэ сарын 5-нд хуралдуулна гэх мэдээлэл байсан юм. Тэгвэл ээлжит бус чуулганыг зарлан хуралдуулахгүй бололтой. Энэ талаар УИХ-ын дэд дарга Л.Мөнхбаатараас тодруулахад “Ээлжит бус чуулган хуралдахгүй болов уу” гэв.

Ээлжит бус чуулганыг зарлан хуралдуулж, Үндэсний баялгийн сангийн тухай хуулийн төслийг хэлэлцэн батлана гэдэг мэдээлэл байсан ч хуралдахааргүй болж байна. Нөгөөтэйгүүр ирэх долоо хоногт УИХ-ын гишүүд тойрогтоо очиж, улсын сайн малчин, тариаланчдад шагналыг нь гардуулах товтой байна.

---