СПОРТ
ХӨГЖИМ
™ watch

МСНЭ сэтгүүлч Н.Өнөрцэцэгийн асуудлаар мэдэгдэл гаргав

Нийтэлсэн
3 сарын өмнө


Сурталчилгаа
Нийтэлсэн:   Ш.Лхагва
3 сарын өмнө

УИХ-ын гишүүн, сайд Ч.Хүрэлбаатар болон шүүх эрх мэдлийн институцийн зүгээс ТВ8 телевизийн сэтгүүлч Ж.Баттуул, www.zarig.mn сайтын үүсгэн байгуулагч, сэтгүүлч Н.Өнөрцэцэг нарыг хэвлэн нийтэлсэн агуулга, чөлөөт үзэл бодол, итгэл үнэмшлийнх нь төлөө Эрүүгийн хуулиар яллуулахаар гомдол гаргаж, цаашлаад мэдээлэл нийтлэх, эс нийтлэхэд хөндлөнгөөс нөлөөлөх зорилготой айлган сүрдүүлэх, дарамтлах үйлдэл гаргаж байгааг МСНЭ эрс эсэргүүцэж, мэдэгдэл гаргажээ. 

Мэдэгдэлд, 

-Сэтгүүлч Ж.Баттуулыг бэлтгэсэн нэвтрүүлгээ нийтлэн нэвтрүүлээгүй байхад УИХ-ын гишүүн, сайд Ч.Хүрэлбаатар цагдаад гомдол гаргасан нь түүний мэргэжлийн эрх ашигт бүдүүлгээр халдаж, хэвлэл мэдээллийн агуулгыг цензурдэж байгаа хэлбэр төдийгүй энэ нь мэдээ мэдээлэл нийтлүүлэх, эс нийтлүүлэхээр дарамт шахалт үзүүлж буй Эрүүгийн хуулийн гэмт хэргийн шинжтэй үйлдэл хэмээн үзэж байна.

Түүнчлэн сэтгүүлч Н.Өнөрцэцэгийн эсрэг ШЕЗ Эрүүгийн хуулиар яллуулах гомдол гаргасны дагуу хуулийн процесс үргэлжилж буй энэ үед Чингэлтэй дүүргийн шүүх өнөөдөр хуралдан түүнд хилийн хориг тавих шийдвэр гаргасан нь зоригийг мохоох, айлган сүрдүүлэх хэлбэр гэж үзэж байна.

Мөн www.zarig.mn сайтыг 2023 оны 11 дүгээр сарын 29-ны өдөр түр хугацаанд хөндлөнгөөс хаасан нь Үндсэн хуулиар баталгаажсан хэвлэн нийтлэх, үзэл бодлоо чөлөөтэй илэрхийлэх, иргэний мэдээлэл хайх, хүлээн авах эрх, эрх чөлөөнд санаатайгаар халдсан үйлдэл болно.

Тус сайтын нийтлэлийн бодлого болон үүсгэн байгуулагч, сэтгүүлч Н.Өнөрцэцэг хуулийн байгууллагаар шалгагдаж буй нөхцөл байдал зэрэг нь дээрх халдлагыг санаа зорилготойгоор үйлдсэн байж болзошгүй гэх үндэслэлийг бий болгож буй учраас хараат бус сэтгүүл зүй, чөлөөт хэвлэл, сэтгүүлчдийн мэргэжлийн эрх ашгийн төлөө эл үйлдлийг эсэргүүцэж байна.

Монгол Улс нэгдэн орсон олон улсын гэрээ, конвенци, хүний эрхийн тунхаглал, Үндсэн хууль, хүчин төгөлдөр үйлчилж буй бусад хуулийн хүрээнд сэтгүүлчид бид эрх ашгаа хамгаалан бүхий л арга хэлбэрээр тэмцэх, цаашлаад гэжээ.

Сурталчилгаа

Манай хуудсыг дагаарай!


Сэтгэгдэл (3)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

iIi
3 сарын өмнө
103.254.123.106

Яг зөв, амжилт хүсье

Зочин
3 сарын өмнө
203.91.115.38

Muu luiwarchin76g horiod ogooch

Boldoo
3 сарын өмнө
95.82.76.69

37 on butsaj bvr aimsnigtaigaar butsaj irj bndaa Xamgiin Aimaaran xytadiin toriin bodlogo bgaa daa

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.