Английн хөлбөмбөгийн премьер лигийн 24 дүгээр тойргийн тоглолтоо Ливерпүүл клуб Лейстер Ситигийн талбайд зочлон тоглолоо.
Хоёр багийн хувьд хоорондоо учраа таарсан сүүлийн гурван тоглолт дараалан Ливерпүүлийн давамгайллаар төгссөн байдаг.
- 2020 оны 11 сард Ливерпүүл 3:0 Лиестер
- 2019 оны 12 сард Лиестер 0:4 Ливерпүүл
- 2019 оны 10 сард Ливерпүүл 2:1 Лиестер
Өчигдрийн тоглолтын тухайд бүхий л үзүүлэлтээр мөн л Ливерпүүл илүүрхэн тоглож тоглолтын 67 дахь минутад М.Салах эхний гоолыг оруулсан ч эцсийн үр дүн өөр байлаа. М.Салахын гоолоос хойш Лиестерчүүдийн тоглолтын цаг ирж дараах гоолуудыг "угсруулан" орууллаа.
- 78 дахь минутад Жэймс Маддисон
- 81 дэх минутад Жеми Варды
- 85 дахь минутад Харвей Барнес нар тус тус гоолдон алдарт Ливерпүүлийг буулган авлаа.
Ийнхүү хожил байгуулсан Лиестерчүүд 46 оноотойгоор хүснэгтийн хоёрдугаар байр руу дэвшсэн бол Ливерпүүл клуб 40 оноотойгоор хүснэгтийн дөрөвдүгээр байртаа үлдлээ.
