Нидерландын нийслэл Амстердам хот нь каннабисын төрлийн ургамлаар үйлчилдэг кофе шоп, кафенууддаа гадны аялагч жуулчдыг чөлөөтэй нэвтрүүлдэг уламжлалтай. Энэ нь ч аялал жуулчлалынх нь нэгээхэн хэсэг болж хөгжсөн.

Гэвч Амсдердам хотын дарга Фемке Халсема гадны жуулчдад хориг тавих шинэ бодлого танилцуулжээ. Нидерланд улсад байдаг кофе шопуудын 30 орчим хувь буюу ойролцоогоор 166 каннабисын кофе шоп Амстердамд үйл ажиллагаа явуулдаг байна.

Уг саналыг хотын зөвлөлийн гишүүдэд нэгдүгээр сарын 8-ны өдөр иржээ. Зөвхөн нутгийн иргэд кофе шопуудаар үйлчлүүлснээр каннабис буюу мансууруулах төрлийн ургамлын хэрэглээнд хараа хяналт тавих, хотын аялал жуулчлалыг илүү зохион байгуулалттай болгох зорилготой юм байна. Энэ шийдвэрийг нэгдүгээр сарын сүүлээр хотын зөвлөл хэлэлцэхээр төлөвлөжээ.

Одоогоор Ковид-19-ийн хөл хориотой холбогдуулан барааны дэлгүүр, кофе шопууд хаалттай байгаа ч хүргэлтээр үйлчилж байна. Амстердамын удирдлага аялагч жуулчдыг онцын шаардлагагүй бол хотод аялж зорчихгүй байхыг уриалжээ.

Эх сурвалж: CNN

---