БНСУ-д нутаг нэгтнүүддээ зодуулсан монгол залуу нас баржээ
БНСУ-д оршин суудаг дөрвөн монгол залуу нутаг нэгтнээ бүлэглэн зодож, танхайрсан талаар бид мэдээлсэн. Тэгвэл эмнэлэгт хүргэгдэн, ухаангүй байсан хохирогч өнөөдөр буюу долдугаар сарын 9-ний өдөр нас барсан талаар тус улсын хэвлэл мэдээллийн хэрэгслүүд мэдээллээ.
Сөүл хотын Жүнгү дүүргийн цагдаагийн газар халдлага үйлдсэн гол этгээдэд хэрэг үүсгэн, саатуулаад байгаа. Мөрдөн байцаагчид мөн хэрэгт холбогдох бусад гурван монгол иргэнийг баривчлах зөвшөөрлийг шүүхээс хүссэн боловч тэднийг уг гэмт хэрэгт харьцангуй бага оролцоотой хэмээн үзэн, шүүхийн захирамж олгоогүй гэнэ.
Хэрэг хариуцсан цагдаа нар Үндэсний шүүх эмнэлгийн байгууллагад хандан, задлан шинжилгээ хийлгэх хүсэлт гаргасан бөгөөд шинжилгээний үр дүнд үндэслэн мөрдөн байцаах ажлаа үргэлжлүүлнэ гэдгээ мэдэгджээ.
Эх сурвалж: Yonhap News
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.