Урьд шөнө аваргуудын лиг шөвгийн 16-ийн хариу тоглолтууд явагдлаа. 

Атлетико Мадрид 0:3 Ювентус

Шөвгийн 16-ийн эхний тоглолтод Испанийн Атлетико Мадрид клуб Италийн Ювентус клубыг талбайдаа хүлээн авч 2:0-оор хожоод байсан (уг тоглолтыг үзэхийг хүсвэл энд дарна уу) бол урьд шөнө хариу тоглолтод Ювентус Атлетико Мадридыг талбай дээрээ 3:0-оор хожиж аваргуудын лигийн тоглолтоо цааш үргэлжлүүлэх эрхтэй боллоо. 1965 оноос хойш Атлетико Мадрид багийг Ювентус хожиж чадаагүй байсан ч урьд шөнө хожлоо. Хожих хожихдоо 3:0-оор буулган авлаа. Атлетико Мадридын нягт хамгаалалт өчигдөр лав хэрэгжиж чадсангүй.

Өчигдрийн гялалзсан тод од бол яах аргагүй CR7 буюу Рональдо байлаа. Тэрээр аваргуудын лигт найм дахь удаагаа хэт трик хийсэн нь Лионел Мессигийн амжилттай зэрэгцэж ирлээ. Харин эсрэгээрээ СR7-гийн эзгүйд Реал Мадрид клуб аваргуудын лигийн шөвгийн 16-аас хасагдсаныг та бүхэн санаж байгаа бизээ.

Эхний тоглолтод 2:0-оор хожсоны дараа Атлетико Мадрид багийн дасгалжуулагч Диего Симоне тун зохисгүй байдлаар гоолын баяраа тэмдэглэж байсан ч Роналду өчигдөр түүнд хариуг нь барилаа. 

Рональдо тоглолтыг 27, 48, 86 дахь минутад гоолдлоо. 

Аваргуудын лигийн хариу тоглолт: Испанийн Атлетико Мадрид - Италийн Ювентус клубуудын тоглолтын тойм бичлэгийг толилуулж байна.