Өнгөрсөн амралтын өдөр Английн цомын тэмцээний шигшээ тоглолт Манчестер Сити болон Челси багуудын хооронд өрнөлөө.

Уг тоглолтын гол дуулиан нь Челси багийн хаалгач Кепа Арризабагала багийн дасгалжуулагч Сарригийн солилцоо хийх шийдвэрийг эсэргүүцэж талбайдаа үлдсэн билээ. Дасгалжуулагч Сарри түүнийг нэмэлт цагуудтай нийлээд нэлээд удаан талбай дээр байсан тул ядарсан гэж үзсэн мөн торгуулийн цохилтыг хаах тал дээр Вилли Кабаллеро түүнээс харьцангуй өндөр хувьтай хаадаг зэрэг хүчин зүйлсийн улмаас түүнийг солихыг хүссэн нь мэдээж. Гэвч дасгалжуулагчийн шийдвэрийг үл хүндэтгэсэнд ихэд бухимдан дасгалжуулагч Сарри талбайг орхихоор явсан хэдий ч буцаж талбайдаа үлдэхээр шийдсэн юм.

Гэвч уг тоглолтын үндсэн цаг тэнцээгээр өндөрлөж торгуулийн цохилтоор ялагчийг шийдвэрлэж 4:3 харьцаагаар Манчестер Сити түрүүлж аварга болсон юм. 

Дасгалжуулагчийн шийдвэрийг үл хүндэтгэсэн уг үйл явдалд нь багийн зүгээс түүнийг долоо хоногийн цалингаар торгож, тус цалингийн мөнгийг Челсигийн сайн үйлсийн санд хандивлахаар болжээ. Энэхүү торгуулийн мөнгөн дүн нь ойролцоогоор 190.000 паунд болж байгаа юм байна. 

Кепа Арризабагалагийн хувьд одоо 24 настай харьцангуй залуу хаалгач бөгөөд өнгөрсөн онд Испанийн Атлетик Билбао багаас 92.8 сая долларын гэрээгээр Челсид ирээд байгаа юм.