Испанийн Мадрид төдийгүй Дэлхийн шилдэг баг "байсан" Реал Мадрид баг ээлжит хожигдлоо авлаа. "Байсан" гэж онцолсон шалтгаан нь Испанийн Ла лигт хамгийн олон түрүүг авч байсан Реалынхан энэ улиралд лигтээ түрүүлэх нь үндсэндээ боломжгүй болчихлоо. Тэднийг Олон улсын хөлбөмбөгийн холбооноос "ХХ зууны хамгийн шилдэг клуб"-ээр шалгаруулж байсан нь саяхан. Гэвч тэд яагаад ийм муу амжилтыг үзүүлэх болов? Энд маш олон шалтгаанууд бий. Реалын нэрийн хуудас болсон Роналдо багаасаа явсан, сүүлийн бүхий л амжилтуудтай нь хамт байсан дасгалжуулагч Зидан багаасаа явсан, гол довтлогч Бейл бэртлийн улмаас тоглохгүй байгаа гэх мэт олон шалтгааныг бий байх. Тэдэнд яах аргагүй "шинэ салхи" хэрэгтэй байгаа юм.
Ла лигийн хүснэгт одоогийн байдлаар дараах байдалтай байна.
Урд шөнө Реал Сосейдад багтай тоглон 2:0 харьцаагаар хожигдлоо. Энэ нь талбай дээрээ 14 жилийн дараа Реал Сосейдад багт хожигдож байгаа нь энэ юм. Улиралын дараа тоглогч төдийгүй дасгалжуулагчийн эрс шинэчлэл энэ багт зайлшгүй шаардлагатай байна.
Реал Мадрид болон Реал Сосейдад багийн тоглолтын тойм бичлэг:
