Европа лигийн 32 багийн сүүлийн тоглолтууд урьд шөнө явагдаж дууслаа.
Хоёр тоглолтын нийлбэр дүнгээр хамгийн олон гоолын зөрүүтэй тоглолтоор Тоттенхам болон Волфсберг багуудын хоёр тоглолт нэрлэгдэж байна. Эхний тоглолтод Тоттенхам клуб Волфсбергийг талбай дээр нь 4:1 харьцаагаар хожиж байсан бол урьд шөнө өөрийн талбайд 4:0 харьцаагаар өрсөлдөгчөө бут ниргэлээ.
Хөлбөмбөг сонирхогчдын анхаарлын төвд байсан учраа болох Английн Арсенал, Португалийн Бенфика гэсэн эн тэнцүүхэн багуудын өрсөлдөөн ширүүхэн байлаа. Эхний тоглолтод тэд 1:1 харьцаагаар тэнцсэн байдаг. Харин урьд шөнө тоглолтын 67 дахь минутад Тиернейгийн гоолоор 2:2 болж мөн л тэнцээд байлаа. Тоглолтын гоолын салхийг хагалсан Аубамеянг 87 дахь минутад хожлын гоолыг оруулж Арсенал шөвгийн 16-д шалгарлаа.
Шөвгийн 16 багийн сугалаа өнөө орой /хоёрдугаар сарын 26/ буюу Улаанбаатарын цагаар 20:00 цагт явагдах ба манай сайт сугалааны явцыг шууд дамжуулан үзүүлнэ.
