Английн хөлбөмбөгийн Премьер лигийн ээлжит нэгэн сонирхолтой тоглолт урьд шөнө явагдлаа.
Манчестер Юнайтед клубын Олд Трамффорд цэнгэлдэхэд Эвэртон клуб зочлон тоглосон тоглолтод нийт зургаан гоол орлоо. Тоглолтын эхний үед нийт дөрвөн гоол орсон ба гоолын салхийг хагалж Э.Кавани, Фернандес нар 24, 45 дахь минутад гоолдсон бол Эвэртон клуб нэмэлт цагт буюу 49 дэх минутад А.Доукоуре 49, Ж.Родригэз 52 дахь минутад тус тус гоолдон тоог тэнцүүлсэн юм. Хоёрдугаар үед С.М.Томиней 70 дахь минутад гоолдон Манчестер Юнайдтед 3:2 харьцаагаар тэргүүлж эхэлсэн ч тоглолтын төгсгөлд буюу 90+5 минутад Доминик Калверт Левин тоог тэнцүүлэн ганган гоол хийлээ. Ийнхүү тоглолт 3:3 тэнцээгээр өндөрлөж Манчестер Юнайтед клуб 45 оноотойгоор хүснэгтийн хоёрдугаар байртаа үлдсэн бол Эвертон клуб 37 оноотойгоор хүснэгтийн зургаа дугаар байрт дэвшлээ.
Хэрэв энэ тоглолтод Манчестер Юнайтед хожсон бол хүснэгтийг тэргүүлэх боломжтой байсан ч чадсангүй. Харин хүснэгтийг тэргүүлэгч Манчестер Сити клуб өнөө шөнө 22 дахь тойргийн тоглолтоо Ливерпүүлийн эсрэг хийх хуваарьтай байна.
