Өнгөрсөн шөнө аваргуудын лигийн шигшээ тоглолт явагдлаа.
Францын аварга ПСЖ клуб анх удаагаа аваргуудын лигийн шигшээд тоглосон бол Германы аварга Байерн Мьюнхен клуб 11 дэх удаагаа шигшээд шалгарсан юм. Хоёр багийн хувьд хоорондоо найман удаа учраа таарахад ПСЖ клуб таван удаа, Байерн Мьюнхен гурван удаа хожиж байсан ба хамгийн сүүлд 2017 онд таарахад Байерн Мьюнхен хожиж байлаа.
Шигшээ тоглолтод ПСЖ клубээс замналаа эхлүүлсэн ч өдгөө Байерн Мьюнхен клубт хүчин зүтгэж буй Коман тоглолтын 59 дэх минутад тоглолтын цорын ганц бөгөөд хожлын гоолыг орууллаа. Ийнхүү Байерн Мьюнхен клуб 2013 онд аваргуудын лигт түрүүлснээсээ хойш долоон жилийн дараа зургаа дахь түрүүгээ хүртлээ.
Тэд 2020 онд Бендес лиг, DFB цомын тэмцээнүүдэд түрүүлээд байсан бол аваргуудын лигийн цом хүртсэнээр гурван цомын эзэн боллоо.
