Урьд шөнө аваргуудын лигийн шөвгийн 16-ийн хариу тоглолтууд эхэллээ. 

Манчестер сити 4:2 харьцаагаар Реал Мадридыг илүүрхэн шөвгийн 8-д шалгарлаа

Манчестер сити клуб эхний тоглолтод Реал Мадридын талбайд зочлон тоглохдоо 2:1 харьцаагаар ялалт байгуулаад байсан. Харин урьд шөнө өөрийн талбайдаа Стерлинг, Жесус нарын гоолоор мөн л 2:1 харьцаагаар ялалт байгуулж шөвгийн 8-д шалгарлаа. 

Урьд шөнийн тоглолтын 28 дахь минутад Бензима Реал Мадридын нэр төрийн нэг гоолыг оруулсан юм. Зиданы удирдсан Реал Мадрид клуб анх удаа хасагдах шатны тоглолтод хожигдлоо. Харин Манчестер Сити клубын хувьд 2009 оноос хойш Английн баг Испанийн багийг хоёр тоглолт дараалан хожсон анхны баг боллоо.  

Ювентус клуб шөвгийн 8-д шалгарч чадсангүй

Эхний тоглолтод Ювентус Лионы талбайд 1 гоол алдсан хожигдох эрхгүй тоглолтод талбайдаа Лионыг хүлээн авлаа. Урьд шөнийн хариу тоглолтын эхэнд Лион клубын Депей торгуулийн цохилтоор гоолдон Ювентусыг тун хүнд байдалд орууллаа. Рональдо хэдий 43. 60 дахь минутуудад дабль хийсэн ч нийлбэр дүн 2:2. Лион клуб талбайдаа гоол алдаагүй гэсэн үзүүлэлтээр шөвгийн 8-д шалгарч чадлаа.