Английн хөлбөмбөгийн энэ улирлын сүүлийн тойргийн тоглолтууд явагдаж дууслаа.
Ливерпүүл клуб 99 оноотойгоор түрүүлж, Манчестер сити клуб 81 оноотойгоор аман хүзүүдлээ. Харин 3 болон 4 дүгээр байрт тус бүр 66 оноотойгоор Манчестер Юнайтед, Челси клубууд орж аваргуудын лигт орох эрхээ авлаа. Харин 5 дугаар байрт Лиестер сити, 6 дугаар байрт Тоттенхам клубууд бичигдэн Европа лигт өрсөлдөх эрхээ авлаа.
Мэргэн буучаар Лиестер сити клубын Ж.Варди 23 гоолтойгоор тодорсон бол Манчестер Сити клубын хаалгач Эдерсон 16 тоглолтод гоол алдаагүй үзүүлэлтээр алтан бээлийн эзэн боллоо. Ж.Вардигийн хувьд 33 насандаа алтан бээлий шагналыг хүртсэнээр энэхүү шагналыг хүртэж буй хамгийн ахмад тамирчин болсон юм.
Английн хөлбөмбөгийн 2020-2021 улирал албан ёсоор есдүгээр сарын 12-ны өдөр эхлэхээр боллоо. Уламжлалт хугацаанаасаа хоцорч эхэлж буй ч шахуу хуваарийн дагуу явагдан ирэх тавдугаар сард дуусахаар төлөвлөсөн нь Евро-2021 тэмцээнтэй холбоотой ажээ.
