Э.Содномпилжээ өөрийн тогтоосон рекордоо эвдлээ
Япон улсын Китакюүшюү хотод Пара пауэрлифтингийн Ази номхон далайн орнуудын аварга шалгаруулах нээлттэй тэмцээн энэ сарын 8-13-нд болж өндөрлөлөө. Монголын Пара пауэрлифтингийн холбооны тамирчин Спортын мастер Г.Ган-Эрдэнэ Ази далайн орнуудын аварга шалгаруулах тэмцээний 80 кг-ийн жинд 10 орны тамирчинтай өрсөлдөн VI байр эзэлсэн байна. Тэгвэл МУГТ, 2016 оны паралимпийн наадмын аварга Э.Содномпилжээ өөрийн тогтоосон Азийн рекордоо 4 кг-аар эвдэж 239 кг өргөн Ази Номхон далайн орнуудын аварга шалгаруулах тэмцээнээс алтан медаль хүртэв. Тэрбээр тэмцээнд 107 кг-ийн жинд өрсөлдөн түрүүлсэн байна. Ази тивийн тамирчдаас Монголын тамирчин рекордоо шинэчилж хамгийн өндөр амжилт үзүүллээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.