Их Хааны хөргийг эш болгон бүтээв

Таван Нүдэн брэнд нь анх нээгдсэн цагаасаа монгол дизайнеруудын, монгол агуулга шингээн бүтээсэн дэлхийд хүлээн зөвшөөрөгдсөн хийц, чанартай бүтээгдэхүүнээ үйлчлүүлэгчдэд хүргэсээр ирсэн.

Тэгвэл Тайваны Үндэсний түүхийн музейн санд хадгалагддаг хөрөг болон Монгол Улсын мөнгөн тэмдэгтэд залсан Их Хааны хөргийг эш болгон бүтээснээ “Таван Нүдэн” брэнд сар шинийн өмнөхөн түмэн олонд үндэсний брэнд бэлэг болгон задаллаа. Их Хааны эш хөргийг гальваникийн буюу электролизийн (Electrotyping) бүрэлтийн аргаар өндөр нарийвчлалтайгаар зэс материалаар биежүүлэн гарган авч никель, лак, мөнгө, алтаар чимэглэн улаан модны нэгэн төрөл зүйл болох Sapele модоор урласан хүрээнд эрхэмлэн залжээ.

999 ширхэг хэвлэсэн уг бүтээлийн хэмжээ: өндөр нь 26.5 см, өргөн 26.5 см, зузаан 3.0 см бол худалдаалагдах үнэ нь 2.555.000 төгрөг аж. 999.9 сорьцтой алтан бүрэлт (1 микрон) бүтээлийн иж бүрдэлд хөрөг, бэлгийн хайрцаг, гэрчилгээ, бэлгийн савалгаа дагалдах гэнэ.

Одоогийн байдлаар тус байгууллага дөрвөн загварын 17 нэр төрлийн хутга, XIII зуунд хамаарах археологийн олдвор “хүрэл цутгамал аяга”-ны хэлбэрийг эш авч ясан шаазангаар бүтээсэн цай, хоолны гурван загварын аяга зах зээлд гаргаад буй.