Бүх зүйл болоод өнгөрсний дараа л сэхээрдэг /Удаан уурлах хэрэггүй Зурхай/

Уур бол сэтгэл хөдлөлийн хүчтэй хэлбэр. Гаднаас ирж буй мэдээлэлд өгч буй таны үнэлэлт дүгнэлтийн бодлууд бие махбодьтой нөхцөлдөн сэтгэл хөдлөл болдог. Уурласан үеийн сэтгэл хөдлөл нь биеийн булчингууд зангирч, гэдэс чангаран, шүд хөмхий зууж, харц ширүүсэн нулимс гарч, толгойд цус хуралдан, зүрхний цохилт түргэсч, биеэр халуу дүүгэн, амьсгал түргэсэх зэрэг мэдрэмжүүд бие дээр илэрч хүчтэй энерги хуримтлагддаг. Үүний дараа тэр хүчтэй энерги гадагш гарахыг тэмүүлж дуу хоолой тань өндөрсөн ширүүсч, элдэв хорон үг хараал зүхэл хэлж, хашгирч орилон, хөдөлгөөн үйлдэл тань огцом хурдан болж юм авч шидэх, хаглаж хэмхлэх, түлхэх цохих,зодох гэх мэт үйлдэл гаргадаг байна.

Уурыг өдөөж буй зүйлтэй улам харилцан тэмцэлдэж устгах, хүссэндээ хүрэх, хариугаа авах,үгүй хийхийг хүсч байж ядсан мэдрэмж төрдөг бөгөөд болих залхах, орхих хаяхыг хүснэ. Зарим хүмүүс уураа гаргалгүй хүчээр барьж дотроо хураан дэлбэрэх шахан тээж явдаг. Бид шууд уурладаг гэж боддог ч яг тийм биш юм. Хүн бүрийн сэтгэл зүйн байдал харилцан адилгүй хурдан, удаан уурлах нь байдаг ч сайн ажиглавал түргэн уурлаж байгаа нь ч нарийн дараалалтай байдаг. Бидний анхаарлын төвлөрөл маш муу байдаг болохоор тэр богино хугацаанд болсон үйл явцыг анзаарч чадалгүй бүх зүйл болоод өнгөрсний дараа л сэхээрдэг. 

Хонь

Хүмүүжилгүй, бүдүүлэг, хуурмаг зангуудаас өөр юу ч чиний тэсгэлийг алдуулахгүй. Түүнээс гадна Хонины ордныхон өрсөлдөөн дунд ороод ирэхээрээ амархан бухимдах гээд байдаг талтай. Чамайг уурласан үед эртхэн тайвшруулахгүй бол харгис хэрцгий болон хувирч ч болзошгүй. Гэвч эсрэг тал нь ямар нэг хариу үйлдэл үзүүлэхгүй, чимээгүй байвал чи амархан тайвширдаг. Мөн чи түрүүлж уучлал гуйх нь элбэг.

Үхэр

Чи ихэвчлэн тайван дөлгөөн байдаг. Учир нь Үхрийн ордныхон сэтгэлийн хөөрлөө удирдаж чаддаг. Гэвч чамайг хэзээ юунаас болж гэнэтхэн уурлахыг нь хэн ч таашгүй. Хааяа уурласан үед нь эргэн тойрных нь хүмүүс юу хийхээ мэддэггүй. Чиний зан яг ширүүн бух адил. Үхрийн ордныхонд өнгөрсөн үед хийсэн буруу үйлдлийг нь дахин сануулах, буруутгахад хүчтэй авир гаргана.

Ихэр

Чамайг эргэн тойрныхон чинь цовоо цойлгон дуу хоолой, хөгжилтэй араншингаар чинь сайн мэднэ. Чи бол хамгийн уйтгартай үдэшлэгийг ч хөгжөөж чадах шидтэн. Харин чи уурласан үедээ орилж хашгирч, хэний ч шалтгааныг хүлээж авдаггүй.

Мэлхий

Чамд ямар нэг юм таалагдахгүй болбол бушуухан холдож ганцаараа байхыг эрмэлздэг. Гэхдээ энэ нь чамайг уургүй хүн гэсэн үг биш юм. Чи бухимдсан үедээ сэтгэлийн хөөрлөө удирдах гэж хичээснээсээ болоод үл ялиг салганах, хөлс дааварах зэрэг үзэгдэл илэрдэг. Нүднээс нь нулимс гарахдаа амархан тул эсрэг талаа өрөвдүүлж, уучлалт гуйлгуулах тал дээр гарамгай.

Арслан

Чи бүх ордууд дундаас биеэ хамгийн сайн барьж чаддаг. Гэхдээ энэ байдал нэг талаараа чамайг хүйтэн хөндий, чулуу шиг сэтгэлтэй мэт харагдуулах нь бий. Чи өөрт таатай санагддаггүй хүмүүсийн дунд байхыг тэвчдэггүй. Мөн ууртай үедээ шүүмжилсэн, буруушаасан өнгө аястай үгсийг маш их хэрэглэдэг.

Охин

Охины ордныхны ихэнх нь зөөлөн, дөлгөөн ааштай хүмүүс байдаг. Гэвч та нарын дунд дүрсхийсэн огцом ууртай ширүүхэн хүмүүс ч бий. Их бухимдалтай үедээ чи гартаа ойр байгаа эд зүйлсийг авч шидлэн, орилж чарладаг. Ингэж байгаад шилэнд гараа эсгэх мэтээр өөрийгөө өвтгөх нь олонтаа. Чи хэзээ ч ямар ч маргаанд оролцоод хэрэггүй.

Жинлүүр

Жинлүүрийнхэн эв найрамдлын бэлгэ тэмдэг. Тэдний ууртай байхыг харсан хүн тун цөөн. Чи өөрийн имиждээ их ач холбогдол өгдөг учраас бухимдал чиний нүүр царай, зан төрхийг эвдчихвий гэхээс битүүхэн айдаг. Гэвч чи ихэнх ордныхонтой бүрэн дүүрэн тааламжтай харьцааг үүсгэж чаддаггүй. Учир нь чиний араншид 100 хувь нийцэх хүн ховор. Чи зүгээр л өөрөө тэдэнд зохицдог.

Хилэнц

Нэр хүндэд чинь халдаж, үл хүндэтгэсэн байдал гаргахыг чи тэвчдэггүй. Хилэнцийнхэн  уурлах дургүй. Уурласан үедээ өөрийгөө арчаагүй, өрөвдөлтэй байдалд орж буй мэтээр бодож, түүндээ улам бухимддаг. Дүрэлзсэн ууртай үедээ ч намуун өнгөөр ярьж чадах боловч нэг задарвал хоолойгоо сөөтөл хашгирч чадна.

Нум

Чи их мэдрэмжгүй. Сэтгэлийн хөөрлөө удирдаж чаддаггүй. Чи хэн хүн гайхмаар хурдан уурладаг. Гэхдээ бас хэн хүн гайхмаар амархан тайвширдаг. Үнэхээр ууртай байгаа үедээ дуугаа хураачихдаг. Тэгээд эсрэг талын хүнээ тайвшрахыг нь хүлээхээр шийддэг. Дараа нь аядуу зөөлөн дуугаар бүх юмны бурууг өөр дээрээ тохоод, алдаа гаргасандаа уучлалт гуйдаг хүн бол Чи өөрөө.

Матар

Хатуу материалист үзэлтэй чам шиг хүнийг эмзэг гэхэд хэн ч итгэхгүй л болов уу. Чи гаднаа чанга харагддаг ч үнэн хэрэгтээ эмзэг талаа бусдаас нуун далдлахыг хичээдэг. Чи ууртай үедээ ч өөрийнхөө мөн чанар, суурь мэдрэмжээс урвадаггүй. Үнэхээр тэсгэл алдсан үедээ чи яах нь мэдэгдэхгүй, ойлгомжгүй ааштай болдог. Ийм үед чи гэмгүй хүн рүү ч уураа гаргаж мэднэ.

Хумх

Чи уурлах дургүй. Ямар нэг маргааны үед энхийг сахиулагч нь болдог. Чи нийгмийн дунд биеэ зөв авч явах тал дээр өөрийгөө сайн боловсруулж, төгс байхыг хичээдэг. Хэрэв чамайг ихээр уурлуулвал хэд хашгарчихаад, өрөөнөөс гараад явчихна. Бүх юм дууссаны дараа ч тэр бүхэн чиний санаанаас гаралгүй уддаг.

Загас

Уурлахаараа хамгийн дур булаам харагддаг ордныхон Загас. Чи бусдын сэтгэлд сэв хийхээс их айдаг. Харин хэн нэгэн чиний зүрхийг шархлуулах гэж оролдвол тэдэнд шанг нь хатуухан чадна. Мөн чи бухимдсан үедээ илүү бүтээлч сэтгэлгээтэй болон хувирч, төсөөлөн бодох чадвар илүү сайжирдаг. Чи шалтаг сонсох дургүй.