"Хобби Дрифт” клубын залууст талархъя
Хэн нэгэнд тусалж буй сэтгэлийн дэм, тус багаддаггүй гэдэг. Тиймдээ ч хүн баярлуулах нь хамгийн сайхан үйлс, буян хэмээн үздэг билээ. Дархан-Уул аймгийн "Хобби Дрифт” клубын залуус шинэ жил тэмдэглэхээс татгалзаж, баярт зарцуулах мөнгөө сайн үйлсийн аянд зориулахаар шийджээ. Тэд иргэн Оогнийгийн бэлэг цуглуулах аянд 15 бэлэг, зорилтот бүлгийн таван өрхөд 10 шуудай нүүрс, хоёр шуудай мод, таван кг гурил будааг тус тус өгч, бяцхан үрсэд нь бэлэг гардуулсан байна.
Тус клубын залуус "Бидэнд баярлаж цэнгэх үе бишгүй олон гарна. Тиймээс бид клубынхаа шинэ жилийг үр бүтээлтэй, ядарсан хүмүүст буян болж тэмдэглэн өнгөрүүлж буй. Цөөн ч гэсэн айл өрхийг хэдэн шөнө галд нь хийх түлштэй дулаан хонуулж, хүүхдүүдийг нь баярлуулсандаа сэтгэл өндөр байна” хэмээн өгүүлжээ. "Хобби Дрифт клуб"-ын залуус Дархан хотын залуучуудын түүчээ болж зөв зүйлээр үлгэр дуурайлал боллоо.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.