Монголын мөсөнд авирагчид муугүй ээ

Монголын уулчдын Үндэсний Холбооны багийн хоёр тамирчин ОХУ-ын Москва хотод эхэлсэн ДАШТ-ий ХУРД-ны төрлийн урьдчилсан шатны авиралтуудаа энэ сарын 15-нд амжилттай гүйцэтгэлээ.

“УБ хайкинг” клубын тамирчин Д.Отгонхүү
I замд 11.42 секунд
II замд 10.39 секунд

“Сутайн бор”клубын тамирчин,Спортын мастер О.Сайханжаргал
I замд 11.15 секунд
II замд 12.58 секунд тус тус авирч Best result буюу хамгийн богино цагийн дүнгээр Д.Отгонхүү VI байр, О.Сайханжаргал IX байр эзэллээ. Дараагийн шатанд өрсөлдөх тул Д.Отгонхүү хурдны төрлөөр үргэлжлүүлэн өрсөлдөх эрх авсан юм.

Техникийн шигшээ уралдаан

Мөсөнд авиралтын хосолсон төрлийн ДАШТ-ий техникийн шигшээ уралдааны дүнгээр Сутайн бор”клубын тамирчин,Спортын мастер О.Сайханжаргал эхний замыг 4.120 , хоёрдахь замыг 4.170 оноотой туулж XVII байр, “УБ хайкинг” клубын тамирчин Д.Отгонхүү эхний замыг 3.150, хоёрдахь замыг 5.200 оноотой туулж XV байр тус тус эзлэв. МУҮХ-ны багийн хоёр тамирчин техникийн урьдчилсан шатанд шалгарч цааш өрсөлдөхөөр болсон юм.

Combined world championship хурдны шигшээ авиралт

Хурдны шигшээ авиралт

Мөсөнд авиралтын хосолсон төрлийн дэлхийн аварга шалгаруулах анхдугаар тэмцээний ХУРД-ны хагас шигшээд шалгарсан найман тамирчин тус бүр гурван гараа уралдаж хамгийн бага цагаар байр эзлүүллээ.

МУҮХ-ны багийн тамирчин Д.Отгонхүү 08.60 секундын амжилтаар VI байрт шалгарлаа. ОХУ-ын шигшээ багийн ахлах дасгалжуулагч, уг тэмцээний ерөнхий шүүгч П.Я.Шабалин Д.Отгонхүүд биечлэн баяр хүргэсэн байна. Шигшээд Д.Отгонхүү Польш,Украйны тамирчдыг ардаа орхисон юм.

Хосолсон төрлийн дүн

Хурд ба Техникийн нийлбэр дүнгээр
МУҮХ-ны баг,УБ хайкинг клубын тамирчин Д.Отгонхүү нийт 90 оноогоор IX байр,
МУҮХ-ны баг,”Сутайн бор”клубын тамирчин,Спортын мастер О.Сайханжаргал нийт 144 оноогоор XIII байр тус тус эзэллээ. Бага онооны системээр байр эзэлдэг. Нийт 17 тамирчин оролцсоноос манай тамирчид ардаа ОХУ, Финланд, Украйн, Канад, Щвед, Япон зэрэг орны оролцогчдыг араас дагуулав.

Багийн дүнгээр

МУҮХ-ны баг VI байрт шалгарав. Нийт 10 баг оролцсон юм.

МУҮХ-ны баг Мөсөнд авиралтын хосолсон төрлийн ДАШТ-д оролцсон байдал 
1. Манай улсаас мөсөнд авиралтын хурдны шигшээ уралдаан/шилдэг 8/-д анх удаа шалгарч оролцлоо.
2. МУҮХ нь бүтэн багаар буюу эмэгтэй тамирчин нэмж оролцуулсан тохиолдолд багийн дүнгээр III байрт шалгарах боломжтой байв.
3. Хосолсон төрлөөр эрэгтэй ангилалд IX байр эзэлсэн нь одоогоор хамгийн өндөр амжилт юм.

Энэ удаагийн ДАШТ-ий онцлогоос дурдвал

1. ОУУХ буюу UIAA-ийн түүхэнд анх удаа хосолсон төрлөөр зохиогдлоо.
2. Мөсөнд авиралтын төрөл Өвлийн Олимпийн хөтөлбөрт багтсан тохиолдолд хосолсон төрөл нь хамгийн тохиромжтой хувилбар байж болохоор байна. Тухайлбал, эрэгтэйчүүдийн ангилалд эхний хоёр байрыг ОХУ-ын тамирчид эзэлсэн бол гуравдугаар байрт Ираны тамирчин орсон юм. Эмэгтэйчүүдийн ангилалд эхний гурван байрыг ОХУ-ын тамирчид эзэлсэн хэдий ч Франц, Ираны тамирчид ширүүн өрсөлдөөн үзүүлсэн байна. Мөсөнд авиралтын төрөл ОХУ-аас бусад оронд эрчимтэй хөгжиж буй.
3. МУҮХ-ны мөсөнд авиралтын баг өөрийн холбооны байр суурь, орон зайг олон улсын тавцанд бэхжүүлж өндөр амжилт үзүүлэв.