Ерөнхий сайд Н.Учрал: Эрт илрүүлгийг илүү оновчтой, өргөн хүрээтэй болгоно
Монгол Улсын Ерөнхий сайд Ням-Осорын Учрал өнөөдөр Баянгол дүүргийн Эрүүл мэндийн төвд ажиллаж, эрүүл мэндийн салбарт хэрэгжүүлэх бодлого, шийдвэрүүдийн талаар үүрэг чиглэл өгчээ.
Тэрээр эдийн засгийн нөхцөл байдал эрсдэлтэй байгаа ч салбарын 39,841 эмч, ажилтны цалингийн нэмэгдлийг бодитоор хэрэгжүүлэх гарц шийдлийг боловсруулж, нэмэгдсэн цалингаас тооцох зохицуулалт хийхийг холбогдох сайд нарт даалгасан байна.
Мөн эрүүл мэндийн салбарт иж бүрэн өөрчлөлт, шинэчлэл хийх бодлогын шийдэл боловсруулахыг үүрэг болгожээ.
Ерөнхий сайд анхан шатны тусламж үйлчилгээг чанартай, хүртээмжтэй болгох нь лавлагаа шатлалын ачааллыг бууруулах гол арга зам гэдгийг онцолж энэ ажлын хүрээнд:
-Өрхийн эрүүл мэндийн төвүүдийн санхүүжилт, чадавхыг нэмэгдүүлэх, төсвийг хүн төвтэй болгох
-Өвдсөн хойно нь бус өвдөхөөс нь өмнө урьдчилан сэргийлэх үзлэг, эрт илрүүлийг илүү оновчтой, өргөн хүрээтэй болгох
-Хотын зах болон алслагдсан бүсийн иргэдэд ойр, хүртээмжтэй үйлчилгээ үзүүлж, нийслэлийн төвийг зорих хэрэгцээг бууруулах
-Шат дамжлагыг цөөлж, чирэгдэлгүй үйлчилгээ авах нөхцөлийг бүрдүүлэх зэрэг арга хэмжээг хэрэгжүүлэхээр төлөвлөж байгааг дурдлаа.
Мөн лавлагаа шатлалын эмнэлгүүдийн урт оочер, хэт ачааллыг бууруулж, бүх шатанд чанартай тусламж үйлчилгээ үзүүлэх нөхцөлийг бүрдүүлэх нь шинэчлэлийн гол зорилт болохыг онцолсон юм.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.