🔴 О.Алтангэрэл: Ардчилсан нам засгийн газарт хамтрахгүй байлгүй дээ, арай ч дээ

УИХ-ын гишүүн О.Алтангэрэл намын дотоод зохион байгуулалт болон цаг үеийн асуудлаар мэдээлэл өглөө. Тэрбээр ирэх дөрөвдүгээр сарын 8-ны өдөр болох намын Их хурлын талаар болон намын дарга бүлгийн даргын ажлаа өгөхөө мэдэгдсэн болохыг хэлэв. Намын дотоод сонгууль болон тулгамдсан асуудлуудаа шийдвэрлэсний дараа бүлгийн шинэ даргыг олонхын саналаар тодруулах процесс үргэлжилнэ гэдгийг тэрбээр мөн хэллээ.

МАН Засгийн газарт АН-тай өмнө нь байгуулсан гэрээгээ зөрчиж, Бага хурлын шийдвэрээр Засгийн газраас гаргасан шалтгаан одоог хүртэл тодорхойгүй байгаа. Яг одоогийн нөхцөлд дахин хамтрах боломжгүй гэж үзэж байна гэлээ. 

Байнгын хорооны хуралдааны үеэр УИХ-ын гишүүн Д.Энхтүвшин НЗД-ын орлогч Т.Даваадалайтай маргалдсан явдлыг хөндлөнгөөс харсан. Гэхдээ Д.Энхтүвшин Т.Даваадалайгаас албан ёсоор уучлалт гуйсан байна гэв.

Мөн Туулын хурдны зам болон орон нутагт хэрэгжих томоохон төслүүдийн тухайд байгаль орчны үнэлгээ, санхүүгийн чадамж зэрэг асуудлыг нухацтай нягтлах шаардлагатайг онцлоод, цаашид аймаг, нийслэл бие даан томоохон төсөл хэрэгжүүлэх үед УИХ-аас хэрхэн хяналт тавих хууль эрх зүйн орчныг тодорхой болгох нь чухал байгааг хэллээ.

Төсвийн байнгын хороон дээр нийслэлийн төсвөөр хийгдэж буй ажлуудын хяналтын асуудал тодорхойгүй байгааг тэрбээр шүүмжилж, төрийн эрх барих дээд байгууллага хяналтын чиг үүргээ хэрэгжүүлэх шинэ нөхцөл байдал үүсэж байгааг онцоллоо.