“БӨРТӨ ЧОНО-2018”-д нэр дэвшсэн эмэгтэй тамирчид

Монголын Үндэсний Олимпийн Хороо, Монголын спортын сэтгүүлчдийн холбоотой хамтран зохион байгуулдаг “БӨРТӨ ЧОНО-2018” тэргүүн дээд шагнал гардуулах ёслол энэ сарын 21-ний 17:00 цагт Соёлын Төв Өргөөнд зохион байгуулагдана. Улиран одож буй 2018 онд Монголын тамирчид ДАШТ болон Ази тивийн АШТ-нүүдээс алт, мөнгө, хүрэл медаль олон хүртсэн тул энэ жилийн хувьд тэргүүн дээд шагнал гардуулах ёслол өмнөх он жилүүдээс илүү өрсөлдөөнтэй болох нь.

Энэ шагналын эзнээр хэнийг тодруулах бол гэсэн хүлээлт, догдлол, таамаг спортын хорхойтнууд дунд аль хэдийнэ бий болжээ. 16 дахь жилтэйгээ золгож буй уг ёслолын үеэр МҮОХ-ны зүгээс оны шилдэг холбоо, дасгалжуулагч, шүүгч, олимпийн танхим, зөвлөл, спорт холбооны ерөнхийлөгч, ерөнхий нарийн бичгийн дарга, спорт клуб, шилдэг залуу тамирчныг шалгаруулна. Харин шилдэг эрэгтэй, эмэгтэй тамирчин болон багийг монголын спортын сэтгүүлчдийн холбооны гишүүн сэтгүүлчид тодруулдаг уламжлалтай. Одоогоор "БӨРТЭ ЧОНО - 2018" тэргүүн дээд шагнал гардах эмэгтэй тамирчдыг нэрлэсэн байна. Чухам ямар тамирчин энэ хүндтэй шагналыг гардаж авах нь санал хураалтаар шийдэгдэнэ. Тиймээс та хэнд санал өгөх вэ?

Эмэгтэй тамирчид

1. М.Нандинцэцэг /Боксын ДАШТ анхны хүрэл мeдаль/  
2. О.Насанбурмаа  /чөлөөт бөхийн түүхэнд анхны 4 мeдальт/
3. Г.Нандинзаяа /Азийн наадмын аварга, хүрэл медаль/
4. Д.Сумъяа /жүдо ДАШТ хүрэл медаль/
5. Б.Шоовдор /чөлөөт бөх ДАШТ хүрэл медаль/
6. Г.Наранцэцэг /Азийн наадмын аварга, Самбо бөх ДАШТ-ний мeдальт/
7. Г.Угалзцэцэг  /Азийн АШТ-ээс хос алтан мeдаль Ази тивийн дөрвөн удаагийн аварга болсон анхны Монгол бүсгүй/

М.Нандинцэцэг

О.Насанбурмаа

Г.Нандинзаяа

Д.Сумъяа

Б. Шоовдор

Г.Наранцэцэг

Г.Угалзцэцэг