Г.Ёндонг чөлөөлж, Х.Хэрлэнг "Эрдэнэт үйлдвэр"-ийн захирлаар тавих талаар яригдаж байна
“Эрдэнэт үйлдвэр” ТӨҮГ-ын ерөнхий захирал Г.Ёндонг өөрчилж магадгүй байгаа талаар эх сурвалж мэдээллээ.
Түүнийг тус үйлдвэрийн дэргэдэх “Найрамдлын эрдэнэс” зуслангийн тавдугаар ээлжийн амрагч хүүхдүүд хордсон явдал болон зарим хэвлэлд дурдсанчлан тендер, баяжмалын гэрээ, мөн, Увс аймагт саяхан нээлтээ хийсэн Ю.Цэдэнбал музейд “Эрдэнэт” үйлдвэрээс 750 сая төгрөг шилжүүлсэн гэх хэрэгтэй холбоотойгоор солих гэж байгаа бололтой.
Учир нь Монгол Улсын ерөнхий сайд Г.Занданшатар хүүхдүүд хордсон хэрэг явдлын тухайд “Учир шалтгааныг яаралтай олж тогтоон хариуцлага алдсан хүмүүст хатуу хариуцлага тооцож ажиллах”-ыг үүрэг болгосон байдаг. Гэвч хэнд, ямар хариуцлага ногдуулсан нь олон нийтэд мэдээлэгдэхгүй байсаар тэрхүү хэрэг таг чиг болсон байдаг.
Г.Ёндонгийн оронд хэнийг тавих вэ гэдэг нь түүнийг өөрчлөхөөс илүүтэй сонирхол татна. Эх сурвалжийн мэдээлж буйгаар УБТЗ ХНН-ийн дарга Х.Хэрлэн “Эрдэнэт үйлдвэр”-ийн ерөнхий захирлаар сэлгэн ажиллах өндөр магадлалтай байгаа гэнэ.
Сэтгэгдэл (6)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.