Үндэсний эрх чөлөө, тусгаар тогтнолоо сэргээсний 112 жилийн ойн баярын үйл ажиллагааны хөтөлбөрийг та бүхэнд хүргэж байна. Баярын үйл ажиллагаа Монголын Бурхан шашинтны төв-Гандантэгчэнлин хийдийн Батцагаан цогчэн дуганд болно. 

11:00-11:05 цагт​ МБШТөв-Гандантэгчэнлин хийдийн Тэргүүн их хамба лам, Хамба номун хан, хутагт хувилгаад тэргүүтэй лам хуврагууд X Богд Жавзандамба хутагтын хөрөг дүрийг ёслол хүндэтгэлтэйгээр арслант ширээнд зална.

11:05-11:10 цагт ​Богд хаант Монгол улсын төрийн дуулал “Зуун лангийн жороо луус” дуу эгшиглэж, Соёмбот тугийг Батцагаан Цогчэн дуганд ёслол хүндэтгэлтэйгээр зална.

11:10-11:15 цагт​ Үндэсний эрх чөлөө, тусгаар тогтнолоо сэргээсний баярын өдрийн мэндчилгээг МБШТөв-Гандантэгчэнлин хийдийн Тэргүүн их хамба лам, Хамба номун хан, гэвш лхаарамба Д. Жавзандорж дэвшүүлнэ.

11:15-11:25 цагт​ “Үндэсний эрх чөлөө, тусгаар тогтнолын үйл явдал” сэдвээр Залуу Монгол судлаачдын нийгэмлэгийн судлаач, СУИС-ийн эрдэмтэн нарийн бичгийн дарга, Доктор М.Энхбаатар илтгэл тавина.

11:25-13:35 цагт​ МБШТөв-Гандантэгчэнлин хийдийн Батцагаан цогчэн дуганд Богдын дончод, Цагийг тохинуулах залбирал “Жанловцогзолма” лам хувраг сүсэгтэн олон хамтаар хурна. /Гандан телевиз шууд дамжуулна/

14:35-15:00 цагт​ “Үндэсний эрх чөлөө тусгаар тогтнолд лам нарын оруулсан хувь нэмэр” сэдвээр Да лам Х.Бямбажав айлдвар айлдана. /Гандан телевиз шууд дамжуулна/

Мөн өнөөдөр Богд хааны ордон музейд: 

10:00-10:40 цагт ​МБШТөв-Гандантэгчэнлин хийдийн лам хуврагууд Ламын чодба хурж, Цогчод өргөнө.

11:00-11:05 цагт​ VIII Богд Жэвзүндамба хутагтын сэрэг дүрд мандал өргөж, хадаг өргөнө.

11:20-11:30 цагт​ Богд хааны ордон музейн “Үнэт өв” үзэсгэлэнд МБШТөв-Гандантэгчэнлин хийдийн Дэд хамба, гавж С.Гантөмөр нээлтийн үг хэлнэ. 

---