Нийслэл Улаанбаатар хот үүсэн байгуулагдсаны түүхт 384 жилийн ойг тохиолдуулан Нийслэлийн Засаг дарга бөгөөд Улаанбаатар хотын захирагчаар томилогдсон Х.Нямбаатар өөрийн авч хэрэгжүүлэх гэж буй дөрвөн цогц бодлого танилцууллаа. Үүнд нийтийн тээвэртэй холбоотой бодлого багтлаа. 

Тэрбээр 2024 оны нэгдүгээр сарын 1 гэхэд нийтийн тээврийн парк шинэчлэлийг хийж дуусгана гэдгээ амлалаа. Цаашилбал,  

-Алдарт ногоон автобусны дуулиан дарагдаж амжаагүй байгаа. Иймд бид олон улсын нээлттэй тендерийг зарласан. 11 сарын 23-24-нд шалгаруулна. 700 орчим орчин үеийн шаардлага хангасан евро хөдөлгүүртэй автобусаар нийтийн тээврийн парк шинэчлэлийг хийнэ гэдэгтээ итгэлтэй байгаа хэмээн өгүүллээ. 

Нийслэлийн нийтийн тээвэрт өдгөө 1240 автобус үйлчилж байгаа ба 85 хувь нь арав ба түүнээс дээш жилийн насжилттай болоод байгаа ажээ. 

---